Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Apocalipsis 7:1| Бундан сонъ ер юзюнинъ дёрт кошесинде тургъан дёрт мелекни корьдим. Олар ер юзюнинъ дёрт елини тутып тура эдилер. Ель не ерге, не денъизге, не бирде-бир терекке эсе эди.
-
|Apocalipsis 7:2| Сонъ мен башкъа бир мелекни корьдим. О, куньдогъуш тарафтан чыкъаята, онынъ къолунда Тири Алланынъ тамгъа алети бар эди. Ерге ве денъизге зарар кетирмек ичюн къудрет алгъан дёрт мелекке о, кучьлю сеснен багъырды:
-
|Apocalipsis 7:3| — Алламызнынъ къулларынынъ манълайларына тамгъа басмагъанымызджа, не ерге, не денъизге, не тереклерге ич бир зарар кетирменъиз!
-
|Apocalipsis 7:4| Мен тамгъа къоюладжакъ адамларнынъ сайысыны эшиттим. Исраиль огъулларынынъ бутюн къабилелеринден 144 000 адамгъа тамгъа басылгъан эди.
-
|Apocalipsis 7:5| Ехуда къабилесинден 12 000 адамгъа тамгъа басылгъан эди, Рубен къабилесинден — 12 000, Гъад къабилесинден — 12 000,
-
|Apocalipsis 7:6| Ашер къабилесинден — 12 000, Нафталий къабилесинден — 12 000, Менашше къабилесинден — 12 000,
-
|Apocalipsis 7:7| Шимон къабилесинден — 12 000, Левий къабилесинден — 12 000, Йиссакъар къабилесинден — 12 000,
-
|Apocalipsis 7:8| Зевулун къабилесинден — 12 000, Юсуф къабилесинден — 12 000, Биньямин къабилесинден де 12 000 адамгъа тамгъа басылгъан эди.
-
|Apocalipsis 7:9| Бундан сонъ бакъсам, буюк бир топлам, эр бир миллеттен, эр къабиледен, эр халкътан ве тиллерден олгъан, эсабына етип олмагъан адамлар тахтнынъ алдында, Къозунынъ огюнде тура эди. Эписи беяз урба кийип, къолларында пальма пытакъларыны тута эдилер.
-
|Apocalipsis 7:10| Олар кучьлю сеснен: — Тахтта отургъан Алламыз ве Къозу къуртара биле! — деп къычыра эдилер.
