Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Apocalipsis 21:11| Шеэр Алланынъ шуретинен нур сача, онынъ йылтырагъаны къыйметли таш, буллюр яшмагъа ошай эди.
-
|Apocalipsis 21:12| Онынъ дивары къалын ве юксек эди, он эки араба къапусы олып, къапулар устюнде он эки мелек отура эди. Араба къапуларында адлар, Исраильнинъ он эки къабилесининъ адлары язылгъан эди.
-
|Apocalipsis 21:13| Куньдогъуштан учь араба къапу, шимальден учь араба къапу, дженюптен учь араба къапу ве куньбатыдан учь араба къапу бар эди.
-
|Apocalipsis 21:14| Шеэр диварларынынъ он эки темели олып, оларда Къозунынъ он эки эльчисининъ адлары язылгъан эди.
-
|Apocalipsis 21:15| Меннен лаф эткен мелекнинъ къолунда алтын бир ольчю таягъы бар эди, шеэрни, онынъ араба къапулары ве диварыны ольчемек керек эди.
-
|Apocalipsis 21:16| Шеэр дёрт коше шеклинде ерлешкен; онынъ узунлыгъы кенълигинен тенъ эди. Мелек шеэрни ольчюнен ольчеди, ве шеэр 2 400 километр 9 чыкъты. Онынъ узунлыгъы, кенълиги ве юксеклиги бир-бирине тенъ эди.
-
|Apocalipsis 21:17| Мелек шеэрнинъ диварларыны да ольчеди, о, адамлар ольчюсинде де, мелеклер ольчюсинде де 72 метр 10 чыкъты.
-
|Apocalipsis 21:18| Диварлары яшмадан, шеэр озю джам киби тыныкъ, темиз алтындан къурулгъан эди.
-
|Apocalipsis 21:19| Шеэр диварларынынъ темеллери тюрлю къыйметли ташларнен донатылгъан эди: биринджи темель — яшмадан, экинджиси — кок якъут, учюнджиси — халцедон, дёртюнджиси — зумруттан эди.
-
|Apocalipsis 21:20| Бешинджиси — агаттан, алтынджысы — къырмызы сердолик, единджиси — сары якъут, секизинджиси — берилл, докъузынджысы — топаз, онунджысы — ешиль хризопрас, он биринджиси — сюмбюль, он экинджиси — мор якъуттан япылгъан эди.
