Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|1 Timoteo 5:1| Акъсакъалны сёгме, онъа, бабанъа киби, насиат бер. Яшларгъа — къардашынъа киби,
-
|1 Timoteo 5:2| къарт апайларгъа — ананъа киби, яш къызларгъа — къызкъардашынъа киби, бутюн темизликнен насиат бер.
-
|1 Timoteo 5:3| Акъикъий тул къадынларны урьмет эт.
-
|1 Timoteo 5:4| Амма тул къадыннынъ балалары я да торунлары олса, олар башта озь къорантасыны урьмет этмеге ве ана-бабасыны саймагъа огренсинлер. Буны Алла истей.
-
|1 Timoteo 5:5| Акъикъий тул ве ялынъыз къалгъан къадын Аллагъа ишана, гедже-куньдюз дува окъуй ве ялвара.
-
|1 Timoteo 5:6| Амма кейф чатып яшагъан тул къадын тири олгъанда биле олюдир.
-
|1 Timoteo 5:7| Туллар къабаатсыз олсунлар деп, оларгъа буны буюр.
-
|1 Timoteo 5:8| Ким исе озь сой-сопларыны, хусусан къоранта азаларыны бакъмаса, о, имандан вазгечкен, имансыздан да бетердир.
-
|1 Timoteo 5:9| Ярдымны алмакъ ичюн сайланаджакъ тул къадын тек бир кере эвленген, озь акъайына садыкъ ве алтмыш яшындан буюк олсун.
-
|1 Timoteo 5:10| Бу къадын яхшы ишлеринен белли, балаларны осьтюрген, мусафирлерни къабул эткен, азизлернинъ аякъларыны ювгъан, белягъа огърагъанларгъа ярдым эткен эм де хайырлы ишлерде гъайрет косьтерген къадын олмакъ керек.
