Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|1 Timoteo 6:1| Къулларнынъ эписи озь эфендилерини эр вакъыт урьмет этсинлер. О вакъыт адамлар Алланынъ Адыны ве огретювини яманламаз.
-
|1 Timoteo 6:2| Эгер бир къулнынъ эфендиси иманлы олса, эфендиси дин къардашы олса да, къул онъа урьмет косьтерсин. Къуллар даа чокъ тырышып, хызмет этсинлер, чюнки иманлы ве севимли дин къардашлары бу хайырлы хызметтен файда корелер. Буны огрет ве буюр.
-
|1 Timoteo 6:3| Башкъаджа огреткен ве Раббимиз Иса Месихнинъ яхшы сёзлерине ве акъикъий дин огретювине къулакъ асмагъан адам
-
|1 Timoteo 6:4| къопайдыр ве ич бир шей анъламай. Ойле адам даваларны ве сёз къавгъаларыны севе, бундан исе пахыллыкъ, къавгъа, яманлав ве ялан шубелер келелер.
-
|1 Timoteo 6:5| Акъылы бозукъ, акъикъаттан четте къалгъан адамлар эр вакъыт къавгъалашалар, динден акъча къазанмакъ истейлер.
-
|1 Timoteo 6:6| Керчектен де, Аллагъа инанмакънынъ ве озь яшайышындан разы олмакънынъ буюк файдасы бар.
-
|1 Timoteo 6:7| Биз дюньягъа ич бир шей кетирмедик ве ондан ич бир шей алып кетип оламамыз.
-
|1 Timoteo 6:8| Бизим ашымыз ве урбамыз олса, ондан разы олайыкъ.
-
|1 Timoteo 6:9| Зенгин олмагъа истегенлер сынавларгъа ве къапкъангъа тюшелер, чокъ бош ве зарарлы истеклерге бойсуналар, ве бу истеклер адамларны олюмге ве эляк чукъурына ёллай.
-
|1 Timoteo 6:10| Акъчагъа севги — эр тюрлю яманлыкънынъ себебидир. Базылары акъча севгисине берилип, имандан вазгечтилер ве озьлерини чокъ азапларгъа огъраттылар.
