Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|1 Timoteo 5:11| Яш тул къадынларны сайлама. Оларнынъ беден истеклери оларны Месихтен узакълаштыргъанда, олар акъайгъа чыкъмагъа истейлер.
-
|1 Timoteo 5:12| Бойле этип, олар эвельден берген вадесини бозалар ве къабаатлы олалар.
-
|1 Timoteo 5:13| Бундан гъайры эвден эвге кезгенде, тенбель олмагъа огренелер. Олар тек тенбель дегиль, даа ошекчи олып, башкъаларнынъ ишине киришип, керек олмагъан шейлерни айталар.
-
|1 Timoteo 5:14| Шу себептен мен буны истейим: яш тул къадынлар акъайгъа чыкъсынлар, бала тапсынлар, эвлерини бакъсынлар, бойле этип, душмангъа яман лаф айтмагъа ич бир фырсат бермесинлер.
-
|1 Timoteo 5:15| Базылары энди ёлдан урулып, Шейтаннынъ артындан кеттилер.
-
|1 Timoteo 5:16| Эгер бир иманлы адамнынъ тул къалгъан сой-соплары олса, оларгъа озю ярдым этсин, оларны иманлылар джемиетине юклемесинлер. О вакъыт иманлылар джемиети керчектен тул къалгъан къадынларгъа ярдым этип олур.
-
|1 Timoteo 5:17| Иманлылар джемиетине яхшы башлыкъ олгъан адамлар, хусусан Сёзни даркъаткъан ве огреткен акъсакъаллар эки къат урьметке ляйыкъ олсунлар.
-
|1 Timoteo 5:18| Языда: «Арман баскъан бугъанынъ агъзыны къапатма» ве «Ишчи озь къазанчына ляйыкътыр», — деп язылгъан.
-
|1 Timoteo 5:19| Эки я да учь шаат олмаса, акъсакъалгъа къоюлгъан ич бир къабаатны къабул этме.
-
|1 Timoteo 5:20| Гунада яшагъанларны эписининъ огюнде къабаатла, башкъалар да къоркъсун.
