Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|1 Crónicas 28:1| Давут Ерусалимге бутюн Исраиль ёлбашчыларыны, къабилелер башлыкъларыны, падишагъа хызмет эткен болюк башлыкъларыны, бинъбашыларыны, юзбашыларыны, падишанынъ ве падиша огъулларынынъ мал-мулькю ве сюрюлерине джевапкяр олгъанларны, везирлерини, орду башлыкъларыны ве эписи джесюр аскерлерни топлады.
-
|1 Crónicas 28:2| Давут падиша аякъ устюне турып, шойле деди: — Эй, къардашларым ве халкъым! Мени динъленъиз. Джан-гонълюмден РАББИнинъ Васиет Сандыгъы ичюн ве Алламызнынъ аякъ басмагъы ичюн бир раатлыкъ эви къурмагъа истедим. Къуруджылыкъ ичюн керек шейлерни азырлап къойдым.
-
|1 Crónicas 28:3| Лякин Алла манъа: «Меним Намым ичюн эв къурма, чюнки сен дженкчи адамсынъ ве чокъ къан тёктинъ», — деди.
-
|1 Crónicas 28:4| Амма Исраильнинъ Алласы олгъан РАББИ бутюн бабамнынъ эвинден Исраильге эбедиен падиша олмакъ ичюн мени сайлап алды. О, Ехуда къабилесини Исраильнинъ ёлбашчысы этип сайлады, Ехуда къабилесинде бабамнынъ эвини сайлады. Бабамнынъ огъулларындан исе мени бутюн Исраильге падиша этип къоймагъа РАББИнинъ истеги эди.
-
|1 Crónicas 28:5| РАББИ манъа чокъ огъул берди. Огъулларымнынъ арасындан исе Исраильде РАББИнинъ падишалыкъ тахтында отурмакъ ичюн, огълум Сулейманны сайлады.
-
|1 Crónicas 28:6| РАББИ манъа: «Огълунъ Сулейман Манъа Сарай къураджакъ, Эвимнинъ азбарыны да къураджакъ. Мен оны Озюме огълум этип сайладым ве онынъ Бабасы оладжагъым.
-
|1 Crónicas 28:7| Эгер о, эмирлеримни ве къарарларымны бугунь киби яхшы тутса, онынъ падишалыгъыны эбедий япаджагъым», — деди.
-
|1 Crónicas 28:8| Шимди де, бутюн Исраильнинъ козю огюнде, РАББИнинъ топлашувы огюнде, Алла эшитсин деп, айтам: шу гузель топракъларнынъ саиби олмакъ ичюн, озюнъизден сонъ балаларынъызгъа оны мирас оларакъ эбедиен къалдырмакъ ичюн, Алланъыз РАББИнинъ эписи эмирлерини тутунъыз ве беджеринъиз.
-
|1 Crónicas 28:9| Эй, Сулейман, огълум! Бабанънынъ Алласыны биль. Онъа джан-гонъюльден ве озь ираденънен хызмет эт. РАББИ эписи юреклерни сынай, эписи ой-фикирлерни анълай. Эгер Оны къыдырсанъ, тапарсынъ. Эгер Оны унутып къалдырсанъ, О да сени эбедий къалдырыр.
-
|1 Crónicas 28:10| Энди бакъ, Азиз Ер ичюн Эв къурмагъа РАББИ сени сечти. Къавий ол да, ишни башла!
