Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|1 Crónicas 13:1| Давут бинъбашыларынен, юзбашыларынен ве бутюн башлыкъларнен акъыл танышты.
-
|1 Crónicas 13:2| Сонъра исе Давут бутюн Исраиль топлашувына бойле деди: — Эгер бунъа РАББИмизнинъ, Алламызнынъ эмири олса, эгер сизлернинъ истегинъиз олса, айдынъыз, бутюн Исраиль топракъларына къардашларымызгъа, оларнен бирликте руханий ве левийлилерге, шеэр ве койлерине хаберджи йиберейик. Олар мында топлашсынлар.
-
|1 Crónicas 13:3| Сонъра Алламызнынъ Сандыгъыны къайтарып кетирейик, чюнки Шаулнынъ куньлеринде онъа эмиет бермеген эдик.
-
|1 Crónicas 13:4| Ве бутюн Исраиль топлашувы: «Айткъанынъ олсун», — деди, чюнки бутюн халкъ бу ишни адалетли эсаплады.
-
|1 Crónicas 13:5| Бойлеликнен, Алланынъ Сандыгъыны Кирьят-Ярим шеэринден кетирмек ичюн, Давут Мысырдаки Шихордан Лево-Хаматкъа къадар олгъан бутюн исраиллилерни топлады.
-
|1 Crónicas 13:6| Давутнен бирликте бутюн Исраиль, Керувларнынъ Устюнде Отургъан РАББИнинъ Сандыгъы, Алланынъ Адыны ташыгъан Сандыкъны кетирмек ичюн, Баалагъа, яни Ехудадаки Кирьят-Ярим шеэрине кетти.
-
|1 Crónicas 13:7| Алланынъ Сандыгъыны Авинадавнынъ эвинден алып, яп-янъы арабагъа къойдылар ве алып кеттилер. Узза ве Агъё арабаны айдадылар.
-
|1 Crónicas 13:8| Давут ве исраиллилер исе Алланынъ огюнде бар кучюнен чалгъы чалып, йырлап, сантыр, арфа, дарелер ве зиллерде, эм де боразан чалып кете эдилер.
-
|1 Crónicas 13:9| Кидоннынъ арманына келип еткенде, огюзлер сюрюнди, ве Узза, Сандыкъны тутмакъ ичюн, къолуны узатты.
-
|1 Crónicas 13:10| Узза Сандыкъкъа къолуны узаткъаны ичюн, РАББИ онъа пек ачувланды ве оны ольдюрди, ве Узза шу ань Алланынъ огюнде ольди.
