Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|1 Crónicas 19:1| Бираз вакъыт кечкен сонъ, аммонлы падишасы Нахаш ольди, ве онынъ ерине огълу падиша олды.
-
|1 Crónicas 19:2| Давут: — Хануннынъ бабасы Нахаш манъа яхшылыкъ япты. Шунынъ ичюн мен де Ханунгъа бир яхшылыкъ япайым, — деди. Сонъ Давут Ханунгъа, бабасынынъ олюми себебинден онынъ гонълюни алмагъа, аммонлыларнынъ топракъларына озь хызметчилерини йиберди. Давутнынъ хызметчилери аммонлыларнынъ топрагъына, Хануннынъ гонълюни алмакъ ичюн кельдилер.
-
|1 Crónicas 19:3| Лякин аммонлы мырзалар Ханунгъа бойле дедилер: — Сен не беллейсинъ, Давут бабанъа урьмет этмек ичюн санъа адам йибердими? Давут озь хызметчилерини шеэрни бакъмагъа, эр ерни айланып чыкъып, сонъра оны тар-мар этмеге йибермедими экен?
-
|1 Crónicas 19:4| Сонъ Ханун Давутнынъ хызметчилерини якъаламагъа, эр бирининъ яры сакъалыны тыраш этмеге, урбаларынынъ ашагъы ярысыны янбашларына къадар кесмеге ве оларны бойле алда йибермеге буюрды.
-
|1 Crónicas 19:5| Олар пек масхара этилип, къайтып кеттилер. Давут буны эшиткен сонъ, оларнынъ къаршысына адам йиберди, оларгъа: — Ерихон шеэрине барып, анда къалынъыз. Сакъалларынъыз оськен сонъ, арткъа къайтарсынъыз, — деди.
-
|1 Crónicas 19:6| Аммонлылар Давут оларгъа къан душманы олгъаныны анъладылар. О заман Ханун ве аммонлылар Арам-Нахараим, Арам-Маакъа ве Цовадан дженк арабаларыны ве атлыларны акъчагъа тутмагъа 1 000 чувал кумюш 12 йибердилер.
-
|1 Crónicas 19:7| 32 000 дженк арабасы ве Маакъа падишасыны аскерлеринен берабер акъчагъа туттылар. Олар келип, Медеванынъ янында ордусыны ерлештирдилер. Аммонлылар да шеэрлеринден чыкъып дженкке кельдилер.
-
|1 Crónicas 19:8| Давут буны билип, Ёавнен берабер бутюн къараман ордусыны ёллады.
-
|1 Crónicas 19:9| Аммонлылар чыкъты ве дженкке азырландылар, шеэрнинъ араба къапусы огюнде ерлештилер. Дженкке чыкъкъан падишалар исе айры тарлада ерлештилер.
-
|1 Crónicas 19:10| Ёав, душман ордусы онъа къаршы эм огюнден, эм артындан тургъаныны корип, исраиллилернинъ энъ яхшыларыны сайлады да, оларны арамлыларгъа къаршы тизди.
