Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|Marcos 14:1| Vea no'o pa'are'eje Pasova 'ee puretia isitia pa'aji ijihipuni vea re'amarono pirisiti mama'ina 'ee Sikuraipi jihipo 'unama ichá'ina Jesu pisimie 'anaa kwahuniji savara.
-
|Marcos 14:2| Pu ijá 'wava Nú iviamaa vea natohwa ikaho pave'eja. Vejuro'i ea mapokapo sena vene 'araha ve'avarono pave'eja 'wavara. Jesu Peteni Senisi 'Onahajina
-
|Marcos 14:3| Vea ka'ene Jesu Petani Saimani ka'ene reporosia rukini jihuni sei ojuta hwene hijara. 'E'eme napara pini kavapwa senisia rukina monia ni'ina 'imenana'omo apena roe jarae Jesuni húmata 'ahi usetiana.
-
|Marcos 14:4| Ea 'aho'a ka'ene ijí hijajipo ijí kamareja niho'o ajinavume ijá 'wava Irakijihuna'e senisiakaho nisamo?
-
|Marcos 14:5| Nú monia maha húmata no'opisu 'imene ea ka'ene 'iruma pa'ajihi ni'ajihuna sa'ina'e avanu 'wame 'urarahara.
-
|Marcos 14:6| 'Enakaivo Jesu ijá 'iama Makaha! Ja ichá vena hu 'uraraho? Hu Nununa'i mamaa venana.
-
|Marcos 14:7| Ea uneunecha pa'ajijahija ja pu'úmo majama iki hihuna'omo ja ura pununa'i mamaa ve'i ve'avajaho ve'avara. 'Enakaivo Na ja pu'úmo majama pahi'eju.
-
|Marcos 14:8| Naparakaho unenu'u pina hu areri renajaho hu nivenana. Nara kwahuniji hu Nuni haha amairihana.
-
|Marcos 14:9| Na niho'o nimaa nimaa ja 'waravu. Kwaaka mapokakino Godoni vu'a maa maiu'ina ichihichihi 'wa'avajaho ijí napara kajara venaji 'u'o pu 'wame vwihahuna 'iamana. Jutasira Jesu Nahamahuna'e Nimaa Venajina
-
|Marcos 14:10| Iji'a Jutasi Isikariati ka'ene ea iropu ropu no'o ijihipuni ea pina'omo va'e pirisiti mama'ina kajihi pu'úmo 'wame nimaa vene Jesuho nahame mihunijaho 'waramana.
