Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|Marcos 16:1| Sapati vea nipa'are'eme Meri Matarini 'ee Meri ka'ene Jemisi oni oha 'ee Saromi ijipo senisia amua rukina 'imene Jesuni haha 'ona'iro 'ahiume va'ara.
-
|Marcos 16:2| Hurapoka niho'o sú'u sú'umai pu muna ari ea ranavaji ro 'e'u'eme vea ajimana.
-
|Marcos 16:3| Pu vai'i ijá 'wava Muna ka'ene vwicha kunavajaho irara tahuma apena ruva'ena? 'wavara.
-
|Marcos 16:4| 'Enakaivo pu vai'i kavajaho muna ni'ima' ura kajaho nitatiraha ruva'ara.
-
|Marcos 16:5| 'Ejume pu va'e muna ara kajihuni vaji aruma vai'i kavajaho kivasa pina ateha jopatu'ura saja sa'ina apúsame mana'inija'i asuma hijume pu kama tatavara.
-
|Marcos 16:6| 'Ejume hu pu ijá 'iama Juvujaho areha. 'Ú ja Jesu Nasareti ora ka'ene pu korosi 'ahi 'anauma kwamaji savo? Hu kú'o 'urinana. Hura namajaho ikena kaivo Hu ikaho pahinu.
-
|Marcos 16:7| 'Enakúne va'e Huni tisaiporua 'ee Pita ho ijá 'waraha. Hu ja ni'warama ja'ina'e Hu Karari urana va'ukúne ja ijí Hu piunaha iha 'iamana.
-
|Marcos 16:8| Pu muna ari vaji rene juhaha useme va'ajime simarame 'ee oja hwa'usahaume ea ira pa'warava jihuni maijaho pu tea junavara. Jesura Meri Matarini Oni Una'i Samahiramajina
-
|Marcos 16:9| Jesura Hurapoki sú'u sú'u 'urinajaho Meri Matarini ka'ene 'avena sisea iropu no'o siomahaji huni una'i marako samaahiramana.
-
|Marcos 16:10| 'Ejume hu va'e ea ka'ene Hu Hu'úmo ojura ka'ene niramaruvi'i chora'e hijajihi 'waramana.
