Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|Marcos 14:62| Jesu ijá 'wama I'a Na ijina. Ema Puni Harihijaho ka'eje harura rukima'uri jihuni mana'inija'i asuma hi'eje ichutoi 'imitiji'i rena rohuna.
-
|Marcos 14:63| 'Ejume pirisiti ni'inijaho ijí henarena Huni ateha isokuji'i ijá 'iama Ja paki'eje ea 'aho'a kú'o vu'a 'aho'a 'eka roava.
-
|Marcos 14:64| Ja nihejare Jesu Godi mataha avanana. Ja ichá vwihajo? 'iamana. Pu maho'o namahe Hu kwahuna 'wavara.
-
|Marcos 14:65| 'Ejume ea 'aho'a Hu cheri 'otie 'ee urania hwamahe haisi 'anai'i ijá 'wava Irahipo 'anaukúne 'waruva heja 'wavara. 'Eji'i sorutiapo ninu tahijahara. Pitara Jesu Hemahajina
-
|Marcos 14:66| Pita majaa ara hari nami'ejume pirisiti ni'inijihuni pweijaho napara'omo roana.
-
|Marcos 14:67| 'Enarena hu kamajaho Pitaho ijí vena iruhi'i hijumakame niho'o nia hami kavi'i ijá 'wama Ea ikere a 'u'o Jesu ka'ene Nasareti oriji'i 'uraha oji'ina 'wamana.
-
|Marcos 14:68| 'Enakaivo Pitaho niho'o hema parana ijá 'wama Pana! A uneka ka'ene 'warimu kajaho na niho'o pahejura 'wa'ika'i samai va'ana.
-
|Marcos 14:69| Napara kajara Pita kamarena hu ea 'aho'a ka'ene ijá namijajija kú'o ijá 'iama Ea ikaho Jesuni ea 'iamana.
-
|Marcos 14:70| 'Enakaivo Pita kú'o hemana. 'Ejume ma'uako hinareje ea pina Pita oni rori naminajara ijá 'wama A nimaa nimaa puni ea pina. 'Ene a 'u'o nimaa nimaa Karari ora 'wamana.
-
|Marcos 14:71| 'Enakaivo hu sirikaravi'i ichutoa pikime 'urarahi'i ijá 'wama Na niho'o ea ka'ene ja rona 'warivu kajaho pakavura 'iamana.
