Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|1 Corintios 4:1| 'Enakúne veje emaa nú Keriso oni pwehija 'ee Godoni hemiji 'ajoha'ina'e kú'avara.
-
|1 Corintios 4:2| Ikehuna'e ea irahija'e 'ajoha'ina re'avajaho ea kajija paucha'asahi'ina'e re'avara.
-
|1 Corintios 4:3| Jara mwe'a kehuni 'otuhuni 'unamijino na namihujaho ni'ima'ura pana. 'Enakaivo na onuno pakakarame pavwihajura.
-
|1 Corintios 4:4| 'Ene nuni vwiha ijaho arira 'ee unenu'u pini na namihuna pana. 'Enakaivo ijara reje na arira rehuna pana kaivo Natohwijara Huhusu na piuhihe kihuna.
-
|1 Corintios 4:5| 'Enajihuna'e marako vu'a nimaijaho pahe'i kaivo ea namaha va'ava. 'Enakaivo masuani 'aja'eje Natohwijara ro'amajino iraka ka'ene nututi tanume navujija veje roe samaumaa re'amana. 'Ene emaa huni oja vaji ichá'inijaho Hura veje roe samaumaa'e rehuna. 'Ejakame ea kwinu kwino ta'arorahujaho Godina'i rena rohuna.
-
|1 Corintios 4:6| 'Ena'omo vwehu nune na iviamaa uneunechakija nuni toi veji'i hiju'e Aporasi 'u'o jonijihuna'e ija'ina venu. 'Ejakame ijí iraka ka'ene vene 'waravajaho ja núni vaji hena kúme vehuna. 'Ejakame ira ka'ene vene 'waravajaho ja paasisame kaha'ahuni va'e 'ee ea 'aho pu'úmo ninakarame jarika pare'avara.
-
|1 Corintios 4:7| Irara venaue ja natohwa'e rene namijo? 'Ene ja ivi'a pina irakiji paapejare? Ja niapejara'e re'avajaho vu irakijihuna'e ja paapejare puna'i kehi kehi vejo?
-
|1 Corintios 4:8| Ja vwihajujaho ja niroe areri rena paraniana roju 'ee ja uneunecha rukima'ura rejara roju. 'Ene ja nú pa'a kinia'e rejara'omo na ura reniujaho ja nimaa'e roe kinia'e rejakame nú ja pu'úmo ea 'ajoha'ina'e re'ipisana roju.
-
|1 Corintios 4:9| 'Enajihuna'e na vwihajujaho Godi nú apasorua túchamai 'eke nú namahe 'ania kwamasahuna'e 'waravu'e hijuja'ina'e irechamúana. Ijihuni maijaho nú 'ona oji'ina 'ee emaa ijihipo riru'avarono irechamúu'e hiju.
-
|1 Corintios 4:10| Nú Keriso onijihuna'e vwiha pa'anepo vejuja'ina'e veju kaivo ja Keriso oni vaji hami vwihaji'ina reju roju. 'Ene nú harura pa'arenujaho ja harura rukina roju. 'Ene pu ja 'eke niriri irechamiura kaivo pu núni hura pavejura.
