Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|1 Corintios 12:1| Vwehu nune ja pahene ve'avarono na ivi'a 'Avena huni swariji rone 'wara'i veju.
-
|1 Corintios 12:2| Ja ni hena kavu. Vea ka'ene ja Godi pahene 'ee pakavari veijino ja godi ira'ata ka'ene ira pa'ajipo venaume 'unama ani ruva'ara.
-
|1 Corintios 12:3| 'Enajihuna'e na ura ja ike hehuna'e ura reniu. Ea irara Godoni 'Avenijara 'wara'eju'e 'waramujaho hu mai'o ika'ina pa'waramune Jesuho sirivara pa'iamuna. 'Ene ea irara Godoni 'Avena apenajara huhusu Jesuho Natohwa 'iamuna.
-
|1 Corintios 12:4| 'Ena'omo iviamaa swara ani ani'ina kaivo 'Avena nikwisu'ina.
-
|1 Corintios 12:5| 'Ene kaukara ani ani'ina mapoka kaivo Natohwa nikwinuna.
-
|1 Corintios 12:6| 'Ene 'unama ani ani'ina kaukara venuna kaivo Godi nikwinu'wi kajara uneunecha maho'o ea maho'o puni vaja kaukara venuna.
-
|1 Corintios 12:7| 'Enakaivo sosia ike ni'ajahuni jihuna'e ea 'oi'oi swara vajihana.
-
|1 Corintios 12:8| Ijihuna'e Hu ea pina 'Avena vajijino vu'a ka'ene vwiha mavarasa'iniji vajahuna. 'Ene vu ea pina vu'a ka'ene henaka ijí 'Avena nikwisu'ina kajara vajahuna.
-
|1 Corintios 12:9| 'Ene ea pina nimaa roiji ijí 'Avena nikwinu'ina kajara mahana 'ee ea pina swara ka'ene ea siporua 'onahe maranihuniji 'Avena nikwinu'ina kajara mahana.
-
|1 Corintios 12:10| 'Ene ea pina uneunecha ka'ene ea areri pavehuniji mahuna. 'Ene ea pina poropetia puni iri 'warahuna'e vajahuna. 'Ene ea pina 'avena ichá'inijihi puni ani'inijihi kihuna'e mahuna. 'Ene ea pina ira ani ani'ina 'warahuna'e mahuna. 'Ene ea pina ijí ta'arohuna'e mahuna.
