Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|1 Corintios 15:1| 'Ene iviamaa vwehu nune na vu'a maa maiu'ina ka'ene nara ja najahume ja apejara ka'ene ijara ni'ajihume ja maraniana ka'ene ja ijihuni toi namijuji 'wara'i veju.
-
|1 Corintios 15:2| 'Ena'omo ira maa maiu'ina ka'ene nara ja najahume ja maraniaji ija kisina'e 'una'avajiana vo jara nimaa rojujaho maa pa'ana'e re'ena.
-
|1 Corintios 15:3| Ijihuni maijaho iraka ka'ene nara apejujaho na amura'e areri unenu'u pina ni'ima'ura ja mihuta. Ijaho Godoni irijara 'waramajaho Kerisoho núni sisei jihuna'e kwamana.
-
|1 Corintios 15:4| 'Ejume Hu ranavara'omo na'ia no'opisu pa'are'eme Godoni irijara 'warama ja'ina'e kú'o 'urinana.
-
|1 Corintios 15:5| 'Ene Hu Sipasi oni una'i va'ana. 'Ene iji'a ea iropu ropu no'o puna va'ana.
-
|1 Corintios 15:6| Ijihuni túna'ijaho Hu vwehu núna mapoka mapoka (500) puni una'i ni'aha kwinu va'ana. Ea 'aho'a iviamaa majaa hina rou kaivo ea 'aho'a ni kwamasahara.
-
|1 Corintios 15:7| 'Ene hu Jemisi oni una'i va'arena iji'a apasorua maho'o puni una'i va'ana.
-
|1 Corintios 15:8| 'Ene túchamaijaho nuni una'i roana. Areri ijí vea kajaho nuni vea paape'eme nahenihare sa'ina.
-
|1 Corintios 15:9| 'Enajihuni maijaho na niho'o apasorua ka'ene hamaijina 'ene 'u'o na apasorua 'wihuna areri pana. Ijihuni maijaho nara Godoni sosia sise'i 'ahie ruarahiuta.
-
|1 Corintios 15:10| 'Enakaivo Godoni maiji vwihani'inijara renajihuna'e na iviamai ea irakijaho reju. 'Ene Huni maiji vwihani'ina ka'ene nununa'i venajara maa pa'ana'e rehuna pana kaivo nara kaukara ni'ima'ura ka'ene vejujara ea 'aho'ijija asitahuta. 'Enavo ijaho na pana kaivo Godoni maiji vwihani'ina ka'ene na hu'úmo namujarana.
