Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Efesios 6:1| Araga yagara, tigeba Waꞌegawamaka napima tino tibagi kamana abima wasiyiyo. Pipa arupuyenawe.
-
|Efesios 6:2| Piya, mono isaꞌamaba maya iye: Kaeba kano kaba kamanapa aegarao, iye. Pigoya, pi nkakumparanta kamanapa aeba marupa aogi antotaꞌena wantagane.
-
|Efesios 6:3| Pi nkantotaꞌenaba mayamawe: Piyama aegarakibempepa, kaeba aogima mintanapa mampara eꞌerota mikibene, iye.
-
|Efesios 6:4| Ibagitaba, araga yagararipa imoꞌena pusanaga tigobipa a-puwaitamagiri, Waꞌegawamantana abima wasikenaenaga kabiwaitaigina anosaiyo. Yoga kinaꞌmike kiya kinaꞌmike kamanane
-
|Efesios 6:5| Kayokaya, tigeba mabisa tabe kinatimpi nkiwamupisa kamanapa wasiyiyo. Tigeba tiyekuru puma aogi arupu puma mima, Karaisititi yoga piyo.
-
|Efesios 6:6| Aꞌyugu sepena puma wasanami nkiyora tabe yuga pusanaga aogima kabima mimagiri, Karaisiti kayokayaꞌena puma Koti nkabemintanaba tigutasa aegaꞌma miyiyo.
-
|Efesios 6:7| Piya, yoga puma wasanamiti wanane. Tigeba aogi tintabarima Waꞌegawamati aogi piyo.
-
|Efesios 6:8| Eya, tigeba ago abintawe. Wasanamaba aꞌyaꞌmaenaba aogiyenamana pukibipa, pabiya puma Waꞌegawamaba antotaꞌenaba aogiyena amikiye. Kayokaya kinape uwa kinape kaꞌmasa nkika imikiye.
-
|Efesios 6:9| Tabe kinaꞌmitaba, tigeba pabiya puma kayokaya kinatimpi nkiyekuru pukenaena a-puwaitama kayone puwaitaiyo. Tigeba aogima abiyo. Tigebe igebe kaga Waꞌegaripa mantabinti mintiye. Piya, aeba tabe agi wainta kinape uwa kinape kaga antotaꞌena imikiye. Karaisitiba iregutene
-
|Efesios 6:10| Pigoya, ka kamana amato puma ukuwe: Tigeba Waꞌegawamati atokaema esegi puma miyigina, agasiya esegiyenawapa pumaeritano.
