Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Efesios 5:1| Pigoya, tigeba Koti nkabugai ntakarantontowampitaba, ae pemisa puma miyiyo.
-
|Efesios 5:2| Karaisitiba agu kaoꞌena puratasa puma, tigeba wasana agu kaoꞌena puwaitama miyiyo. Piya, taeka aeꞌwa nkaumawapa meru kasima, Kotiti muta atama iga agunta asu abasantiye.
-
|Efesios 5:3| Piya, Kotiti atokaeya kinaꞌmitaba, tigeba kumiyenabe, aꞌyaꞌma iꞌnintanabe, to wainantanaga abugakenaenabe, tikabitaiyo. Aꞌyugu pika kamanapa aborakiye.
-
|Efesios 5:4| Piya, aꞌyugu tigeba iꞌni kamanape, aibo kamanape, karana kamanape usanaga, aogima kabima mima Kotiti tiꞌmu potaigina kanarasano.
-
|Efesios 5:5| We, tigeba ago abintawe. Kumiyena pe kinape, iꞌnintana pe kinape, to wainantanaga abugai kina igeba ama koti nkaegara kinape, igeba Karaisitige Kotige kabiratakenaenawaisipi kampa ubasikibewe.
-
|Efesios 5:6| Aꞌyugu wasana ampa esiba kamana uma iga puritaigiri aegarakibewe. Pika aogima kabiyiyo. Pika kamana akayuye kinaꞌmiti Koti amoꞌenawapa antota aborawaimikiye.
-
|Efesios 5:7| Piya, igegeba agaya agayaba a-piyo.
-
|Efesios 5:8| Eya, paipa tununtanabi mintantawe. Ibaba tigeba aꞌwae puma Waꞌegawamati atokaema eꞌwasaenawata miyewe. Piya, eꞌwasa kina kanta puma nasiyo.
-
|Efesios 5:9| Piya, aꞌyaꞌma aogiyenabe arupuyenabe tagantanabe, pipa eꞌwasaenama nkaꞌwane.
-
|Efesios 5:10| Piya, tigeba aogima nasima, Waꞌegawama nkabugaintanama nkaꞌwapa aboraiyo.
