Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Efesios 3:1| Pigoya, naeba Porona mima, to marisa kina tigeka Karaisiti Isu nkigaꞌna yagarawantana puma mintuwe.
-
|Efesios 3:2| We, tigeti: Mono yuga poma, Koti unatama, awagaenawa namemintanaga tigeba agobaya abewema, napiyuwe.
-
|Efesios 3:3| Piya, Koti kakama waintintanaba uma aborama namoga, pi kamana aronkanto paipa kaema urimintuwe.
-
|Efesios 3:4| Piya, Karaisititi kakanti kamanaꞌamaba napiyenanepipa arawaye. Pipa aisuma abiyo.
-
|Efesios 3:5| Pi kamanaꞌama nkagowapa paipa wasana mirite kananta kinaꞌmiti kampa aborantiye. Ibasa yagaba Awamusaꞌama aota aposorowape poropetewape uwaimegini, aborama uramewe.
-
|Efesios 3:6| Pi kakanti kamanaꞌama nkagoba mayama waintiye: To marisa kina, tigebe taebe ka tu, ka auꞌena puma mimagi, Karaisiti Isu ntugarasa Koti utaratantintanama nkauꞌwapa kaga maemagi mikune.
-
|Efesios 3:7| Pigoya, pi aogi mono kamana uwaimoma, unatantine. Piya, Koti awagaenawapa aboranamimagina, mono yugawata unatama, pika esegiyenawapa namintemine.
-
|Efesios 3:8| Piya, aꞌyaꞌma Kotiti atokaeya kinaꞌmi tu amentapinti mintuwagana, Kotiba awagaenawapa aboranamima: To marisa kinaꞌmiti wama Karaisiti nkaogiyenawaka uwaimoma, unatantine. Piya, pi Karaisiti nkaogiyenawampaba atupe awamobe kampa uma aꞌya wantaꞌenawe. Pika uwaimoma, unatantine.
-
|Efesios 3:9| Eya, Koti paipa aꞌyaꞌwaemaena pumarantana, napiyenawapa aegaꞌma, ainti pukenaena kakantemi, ibaba pi kamanaꞌwapa aꞌyaꞌma kinaꞌmiti aborama uwaimoma, naba punatantine.
-
|Efesios 3:10| Piya, Kotiba mantari paitanta kinape esegima mpiye kinape, aogi napiyenawapa iyakikenaga monota aiꞌaru pompe kinaꞌmite abakatepi aeꞌenawapa ibaba aogima aboraye.
