Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
МагӀарул мацӀ 
-
|Lucas 10:1| Гьелдаса хадуб ТІадегІанав ГІисаца тІаса вищана жеги лъабкъоялда анцІго чи ва жиндасаго цере кІи-кІиккун ритІана живго щвезе ракІалда букІарабщинаб шагьаралдеги росулъеги.
-
|Lucas 10:2| Гьес гьезда абуна: - Хуриб хІалухъен гІемер бижун буго, хІалтІухъаби дагь руго. Гьеб лъилъизе кверщел кодоб бугев БетІергьанасда гьаре лъилъарухъаби ритІеян.
-
|Lucas 10:3| Гьанже а! Гьале дица нуж ритІулел руго бацІазда гъорлъе кьагІи гІадин.
-
|Lucas 10:4| Я гІарац лъун таргьа босуге, я къайи лъун къвачІа босуге, я хисун ретІине хьитал росуге, нухда данде ккарасе саламги кьоге.
-
|Lucas 10:5| Лъил бакІалде нуж щваниги, гьезие рекъел гьарун, «Ассаламу гІалайкум (Рекъел нужее)» абун лъугьа гьесул къавулъе.
-
|Lucas 10:6| Саламалъе (ай ракълие) мустахІикъав чи вугони - нужер салам гьесде щвела, гьечІони - гьеб нужедего тІадбуссина.
-
|Lucas 10:7| Гьеб къавулъ чІа нуж, гьезда цадахъ квана-гьекъон, - хІалтІухъанасе мухь хІалалаб букІунелъул. Цо къавулъа цоги къавулъе гочаруге.
-
|Lucas 10:8| -
-
|Lucas 10:9| Цо шагьаралде щун, нуж гьенир къабул гьаруни, нужее кьурабги кванай, гьенир ругел унтаралги сахлъизаре, Аллагьасул ПарччахІлъи нужеде тІаде гІунтІун бугиланги бице гьезда.
-
|Lucas 10:10| Ваамма цо шагьаралде щун, нуж гьенир къабул гьаричІони, къотІнореги рахъун, гьадин абе:
