Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Modern Hebrew Bible: Tanakh 
-
|Jonas 4:1| וירע אל-יונה רעה גדולה; ויחר לו:
-
|Jonas 4:2| ויתפלל אל-יהוה ויאמר, אנה יהוה הלוא-זה דברי, עד-היותי על-אדמתי, על-כן קדמתי לברח תרשישה; כי ידעתי, כי אתה אל-חנון ורחום, ארך אפים ורב-חסד, ונחם על-הרעה:
-
|Jonas 4:3| ועתה יהוה, קח-נא את-נפשי ממני; כי טוב מותי מחיי: ס
-
|Jonas 4:4| ויאמר יהוה, ההיטב חרה לך:
-
|Jonas 4:5| ויצא יונה מן-העיר, וישב מקדם לעיר; ויעש לו שם סכה, וישב תחתיה בצל, עד אשר יראה, מה-יהיה בעיר:
-
|Jonas 4:6| וימן יהוה-אלהים קיקיון ויעל מעל ליונה, להיות צל על-ראשו, להציל לו מרעתו; וישמח יונה על-הקיקיון שמחה גדולה:
-
|Jonas 4:7| וימן האלהים תולעת, בעלות השחר למחרת; ותך את-הקיקיון וייבש:
-
|Jonas 4:8| ויהי כזרח השמש, וימן אלהים רוח קדים חרישית, ותך השמש על-ראש יונה ויתעלף; וישאל את-נפשו למות, ויאמר טוב מותי מחיי:
-
|Jonas 4:9| ויאמר אלהים אל-יונה, ההיטב חרה-לך על-הקיקיון; ויאמר היטב חרה-לי עד-מות:
-
|Jonas 4:10| ויאמר יהוה, אתה חסת על-הקיקיון, אשר לא-עמלת בו ולא גדלתו; שבן-לילה היה ובן-לילה אבד:
