Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Modern Hebrew Bible: Tanakh 
-
|Jonas 3:1| ויהי דבר-יהוה אל-יונה שנית לאמר:
-
|Jonas 3:2| קום לך אל-נינוה העיר הגדולה; וקרא אליה את-הקריאה, אשר אנכי דבר אליך:
-
|Jonas 3:3| ויקם יונה, וילך אל-נינוה כדבר יהוה; ונינוה, היתה עיר-גדולה לאלהים, מהלך שלשת ימים:
-
|Jonas 3:4| ויחל יונה לבוא בעיר, מהלך יום אחד; ויקרא ויאמר, עוד ארבעים יום, ונינוה נהפכת:
-
|Jonas 3:5| ויאמינו אנשי נינוה באלהים; ויקראו-צום וילבשו שקים, מגדולם ועד-קטנם:
-
|Jonas 3:6| ויגע הדבר אל-מלך נינוה, ויקם מכסאו, ויעבר אדרתו מעליו; ויכס שק, וישב על-האפר:
-
|Jonas 3:7| ויזעק, ויאמר בנינוה, מטעם המלך וגדליו לאמר; האדם והבהמה הבקר והצאן, אל-יטעמו מאומה, אל-ירעו, ומים אל-ישתו:
-
|Jonas 3:8| ויתכסו שקים, האדם והבהמה, ויקראו אל-אלהים בחזקה; וישבו, איש מדרכו הרעה, ומן-החמס אשר בכפיהם:
-
|Jonas 3:9| מי-יודע ישוב, ונחם האלהים; ושב מחרון אפו ולא נאבד:
-
|Jonas 3:10| וירא האלהים את-מעשיהם, כי-שבו מדרכם הרעה; וינחם האלהים, על-הרעה אשר-דבר לעשות-להם ולא עשה:
