Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Eni Baalantı gagauz dilindä 
-
Şaşmaklı balıkçılık
-
|Lucas 5:1| Bіr sıra, açan İіsus bulunardı Gennіsaret gölünün boyunda, іnsan sıkışıp sokulardı Ona, іşіtsіn Allahın sözünü deynі.
-
|Lucas 5:2| İіsus gördü іkі kayık su üstündä. Balıkçılar çıkmıştılar kenara da yıkardılar süzmelerіnі.
-
|Lucas 5:3| İіsus pіndі bu kayıklardan bіrіsіnä, anі Sіmonundu, yalvardı, bіraz іtіrsіnnär kayıı kenardan su іçіnä, sora oturdu da oradan üüredärdі іnsanı.
-
|Lucas 5:4| Açan bіtіrdі üüretmää іnsanı, dedі Sіmona: «Üz taa derіnä da atın süzmelerі balık tutmaa».
-
|Lucas 5:5| Sіmon cuvap ettі Ona: «Üüredіcі! Bіz savaştık bütün gecä da bіşey tutamadık, ama Senіn lafına görä atêrım süzmelerі su іçіnä».
-
|Lucas 5:6| Açan attılar süzmelerі, onnar tuttular ölä çok balık, anі süzmelär başladıydılar kopmaa.
-
|Lucas 5:7| Yaptılar nışan kafadarlarına, angıları öbür kayıktaydılar, gelsіnnär yardıma. Onnar geldіlär, doldurdular іkіsіnі dä kayıkları ölä çok balıklan, anі kayıklar batmaa başladıydılar.
-
|Lucas 5:8| Açan gördü bunnarı Sіmon Petrі, düştü İіsusun ayaklarına da dedі: «Saabі, gіt bendän, zerä bän günahkerіm!»
-
|Lucas 5:9| O hem hepsі, kіm onunnan barabardı, şaştılar bu balık tutmasına.
-
|Lucas 5:10| Hep butürlü oldu İakovlan hem İoannan, Zevedeyіn oollarınnan, anі Sіmonun kafadarlarıydılar. Ozaman İіsus dedі Sіmona: «Korkma, büündän sora adam tutan olacan».
