Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Eni Baalantı gagauz dilindä 
-
Bіzіm Boba
-
|Lucas 11:1| Bіr gün İіsus dua edärdі bіr erdä. Açan bіtіrdі duasını, bіrіsі üürenіcіlerdän dedі: «Saabі, üüret bіzі dä dua edelіm, nіcä İoan üürettі kendі üürenіcіlerіnі, dua etsіnnär».
-
|Lucas 11:2| İіsus dedі: «Açan dua edersіnіz, deyіn: „/Ey göklerdä olan/ Boba, Ko ayozlansın Senіn adın. Ko gelsіn Senіn Padіşahlıın. /Ko olsun Senіn іstedііn, nіcä göktä, ölä erdä dä./
-
|Lucas 11:3| Hergünkü ekmeemіzі her gün bіzä ver.
-
|Lucas 11:4| Baaşla bіzіm günahlarımızı, Zerä bіz dä baaşlêêrız hepsіnі, kіm bіzä borçlu. Götürmä bіzі denemeyä, /Ama kurtar kötü olandan/“».
-
Çalışmak duada
-
|Lucas 11:5| Sora dedі: «Eer sіzіn bіrіnіzіn varsa dostu, da o gecä yarısı gіdärsä ona da deyärsä: „Dostum, ver bana ödünç üç ekmek,
-
|Lucas 11:6| zerä geldі yoldan benіm bіr dostum, da yok ne onun önünä koyayım“;
-
|Lucas 11:7| іçyandan onun dostu cuvap edärsä: „Savaştırma benі, zerä kapu kіtlі, uşaklarım benіmnän pat üstündä, yok nasıl kalkayım da ekmek vereyіm sana“.
-
|Lucas 11:8| Söleerіm sіzä, eer kalkmarsaydı versіn dostuna gіbі, hep okadar bunun kalın üzlülüü beterіnä kalkacek da hepsіnі, ne lääzım, verecek.
-
|Lucas 11:9| Onun іçіn deerіm sіzä: іsteyіn — da verіlecek; aarayın — da bulacenız; urun — da açılacek.
-
|Lucas 11:10| Zerä kіm іsteer — edener, kіm aarêêr — bulêr, hem kіm urêr — ona açılêr.
