Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Ени Бааланты гагауз дилиндӓ (NT) 
-
Ӱӱрет, не йарашэр
-
|Tito 2:1| Ама сӓн ӱӱрет, не саа ӱӱретмеклерӓ йарашэр.
-
|Tito 2:2| Сӧлӓ йашлы адамнара айык, кендини доору гӧтӱрӓн, есаплы, саа инанда, севгидӓ хем дайанмакта олсуннар.
-
|Tito 2:3| Хеп ӧлӓ сӧлӓ йашлы карылара гӧтӱрсӱннӓр кендилерини, ниӂӓ йарашэр Аллахын айоз халкына. Олмасыннар фитлейиӂи еки дӱшкӱн шараба, ама ӱӱретсиннӓр иилик йапмаа.
-
|Tito 2:4| Ӱӱретсиннӓр генч карылары коӂаларыны хем ушакларыны севмӓӓ,
-
|Tito 2:5| олсуннар есаплы, пак, евӂиман. Ӧн версиннӓр коӂаларына, ки Аллахын сӧзӱ кӧтӱлӓнмесин.
-
|Tito 2:6| Хеп ӧлӓ генч адамнары ӱӱрет, есаплы олсуннар.
-
|Tito 2:7| Хербир иш ӱзерӓ гӧстер кендини ӧрнек ии ишлӓр йапарак. Ӱӱретмендӓ пак ол, кендини доору гӧтӱр, есаплы ол.
-
|Tito 2:8| Сӧлӓ саа лафлар, ангыларына кимсей маана буламар, ки бизӓ каршы денклешеннӓр бишей фена сӧлейӓмесиннӓр да утанмыш калсыннар.
-
|Tito 2:9| Чыраклары ӱӱрет, чорбаӂыларына ӧн версиннӓр, хербир иш ӱзерӓ кендилерини беендирсиннӓр да лаф чевирмесиннӓр.
-
|Tito 2:10| Хырсызлык йапмасыннар, ама херзаман инанч адамнар олсуннар хем хербир иш ӱзерӓ Аллахын, бизим Куртарыӂынын, ӱӱретмеклерини майыл йапсыннар.
