Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Ени Бааланты гагауз дилиндӓ (NT) 
-
Селӓм
-
|Tito 1:1| Бӓн, Павли, Аллахын чыраа, Иисус Христозун апостолу, йолланылмышым, ки Аллахтан сечилмиш оланнар инансыннар хем танысыннар аслылыы, ани тутунэр аллахчылыктан
-
|Tito 1:2| хем темелли дивеч йашамак умуду ӱстӱндӓ, ангысыны Аллах, ани хич йалан сӧлӓмеер, адады баштан дивечликтӓн.
-
|Tito 1:3| О вакыдында ачты Кенди Сӧзӱнӱ насаатлан, ани бана инандырылды бизим Куртарыӂы Аллахын сымарламасына гӧрӓ.
-
|Tito 1:4| Селӓм йоллээрым сана, Тит, ани беним хакына оолум бенимнӓн бир инанда. Ииверги, /аӂыйаннык/ хем услулук Аллах Бобадан хем бизим Куртарыӂыдан, /Сааби/ Иисус Христоздан.
-
Не дӱшер Тит йапсын Крит адасында
-
|Tito 1:5| Крит адасында брактым сени маасуз, ки тертиплейӓсин калан ишлери хем хербир касабада пресвитерлери койасын, ниӂӓ бӓн сана сымарладым.
-
|Tito 1:6| Пресвитер лӓӓзым олсун кабаатсыз, бир карыйлан евли, ушаклары инанӂы, ангыларыны йок насыл кабаатландырмаа запсызлыклан хем сеслӓмемӓклӓн.
-
|Tito 1:7| Зерӓ епископ 1 дӱшер олсун кабаатсыз, ниӂӓ бир изметкӓр, ани кулланэр Аллахын евини. Олмасын наалет, кӱсӱӂӱ, ичкиӂи, дӱӱшчӱ, тамах.
-
|Tito 1:8| Олсун мусаафирӂи, ииликчи, есаплы, доору, аллахчы хем кендини кулланан.
-
|Tito 1:9| Тутунсун инан сӧзӱндӓн, не ӱӱренди, беӂерсин клисейи саа ӱӱретмӓклӓн гиргиннетмӓӓ хем каршы дураннары азарламаа.
-
|Tito 1:10| Зерӓ вар чок инсан, калкынтыӂы, бошуна лафедӓн хем йаланӂы, таа чок кесикли оланнардан.
