Tua Palavra

Гӱӱденин бирлии

|Efésios 4:1| Бутакым насаатлээрым сизи бӓн, Сааби ичин капанӂы, йашаманыз йакышыклы олсун Онун чаармасына гӧрӓ, ангысыны каблеттиниз.

|Efésios 4:2| Херзаман йаваш, йалпак хем сабурлу олун, дайанын бири-биринизӓ севгийлӓн.

|Efésios 4:3| Чалышын корумаа Духун бирлиини услулуклан, ани баалээр сизи бири-биринизлӓн.

|Efésios 4:4| Бир гӱӱдӓ вар хем бир Дух, ниӂӓ сиз чаарылдыныз бир умуда, ани гелер чаарылманыздан,

|Efésios 4:5| Бир Сааби, бир инан, бир ваатизлик.

|Efésios 4:6| Аллах бирдир, Боба хепсинӓ. О хепсиндӓн ӱстӱн, хепсиннӓн ишлеер хем хепсиндӓ йашээр.

|Efésios 4:7| Херкезимизӓ бизӓ ииверги верилди о ӧлчӱйлӓн, не Христос баашлады.

|Efésios 4:8| Онуштан денди: «Ӱӱсеклӓӓ калкты, есирлери пленӓ алды, инсаннара баашышлар верди».

|Efésios 4:9| Лафын «калкты» не аннамасы вар, еер диилсӓ бу, ани илкин инди ашаа, ер ӱстӱнӓ ²?

₁₀

|Efésios 4:10| О, Ким инди, Одур, Ким калкты таа ӱӱсек хепси гӧклердӓн, ки хепсини долдурсун.