Tua Palavra 
Português
Italiano
Espanhol
Inglês
Francês
Árabe
Mandarim
Hindu
Alemão
Ени Бааланты гагауз дилиндӓ (NT) 
-
Ӧлӱмдӓн йашамайа гечтик
-
|Efésios 2:1| Сиз ӧлӱйдӱнӱз кабаатларыныз хем гӱнахларыныз бетеринӓ,
-
|Efésios 2:2| ангыларда вакыдын бириндӓ йашардыныз бу дӱннейин адетинӓ гӧрӓ, излейерӓк ӧндерӂийи 1, ани заабитлик едер гӧкӱн алтында, о духу, ани ишлеер сеслӓмейӓн инсаннарда.
-
|Efésios 2:3| Оннарын арасында биз хепсимиз дӓ вакыдын бириндӓ йашардык тенимизин хавезлеринӓ гӧрӓ. Таманнардык тенимизин хем аклымызын истедиклерини. Хализ халымызда биз даавалы олмуштук Аллахын ӱфкесинӓ, ниӂӓ дӓ калан инсаннар.
-
|Efésios 2:4| Ама Аллах, ӂӧмерт аӂыйанныыннан, бизи чок севди.
-
|Efésios 2:5| Макар ки биз ӧлӱйдӱк кабаатларымыз бетеринӓ, О севгийлӓн йашамак верди бизӓ Христозлан барабар. Сиз Онун иивергисиннӓн куртулдунуз.
-
|Efésios 2:6| Аллах дирилтти бизи Иисус Христозда да отуртту Онуннан барабар гӧклердӓ,
-
|Efésios 2:7| ки гелӓр заманнарда гӧстерсин иивергисинин кенарсыз зенгинниини ииликлӓн, ани йапты бизим ичин Иисус Христозда.
-
|Efésios 2:8| Зерӓ сиз Онун иивергисиннӓн, инаннан куртулдунуз. Бу диил сиздӓн, ама баашыш Аллахтан,
-
|Efésios 2:9| диил йаптыкларыныздан, кимсей ӱӱнмесин дейни.
-
|Efésios 2:10| Зерӓ биз — Аллахын усталыы, Иисус Христозда йарадылы, ки йапалым ииликлери, не Аллах ӧнӂӓ хазырлады, ки йашаркан таманнайалым.
