• अध्याय 3
  
  

₁

|टैगो 3:1| Anu oya-lawe tikisa ago meou wa togo togo wameamene. Wipitia ta pataka-pete Akolaliyo tikisa ali-kiti toto pitia yatekome tone natemo okoomo natele tokoole peya pine to̱a akoo tokolo ni uku. Ete yene edikoa pitia yakamoo.

  

संदर्भ इंटरलीनियर टिप्पणी शब्दकोष समानांतर बंद करे

₂

|टैगो 3:2| Padele padele tikilepa toto peyame lugutukoa petekakete pale tokala toko. Panagome-kiti poanemo ikileka toamokomepa nipa one mea epetekateko kotu kakoa mekome pinali one yono kawa eya wedoa talo tamele toko.

  

संदर्भ इंटरलीनियर टिप्पणी शब्दकोष समानांतर बंद करे

₃

|टैगो 3:3| Osi kai tone wene pikoka pomotoa one kimane kene kapa tigini deya tanikakoa eniya po kakoa lauaneya talike mea poko. Dedeyameke yeka pome yukuka pome tomotoa eni po ete oto li li toa mea poko.

  

संदर्भ इंटरलीनियर टिप्पणी शब्दकोष समानांतर बंद करे

₄

|टैगो 3:4| Ue dipi-kiti tube mati pikoyake pupulege-pala u̱u okoa kako matiyame popokoa aua poademe tokaleka yopikagome one wene litia pomotoa yomo tigini wane dedeya ue dipi tene lono uele tukaketikaneya kakome ete peke oto peke tokome aua poko.

  

संदर्भ इंटरलीनियर टिप्पणी शब्दकोष समानांतर बंद करे

₅

|टैगो 3:5| Nitiko toa tone kekepa nateya deyameke ele kule tubele mati toane kamotokaku wa mate agale okala toko. Yakoe, toe kagalia dedeyameke kau taneya pakeke pome pitakomepa itipono oa yomo kakoya eya odepeta napetapeko.

  

संदर्भ इंटरलीनियर टिप्पणी शब्दकोष समानांतर बंद करे

₆

|टैगो 3:6| Kekemeka toeme eni toko toa poto tanele kamotoka kamotoka toko. Tone yono kawata tigini wago eya pake kako ago tone keke oneke padele padele poanele tagome tigini eya peyake weamutukakome toa potokakala toko. Tobou iponame one poane peku lawetekolo panago-kiti noa toma pokopa nipa toe witakome eya kuya peya noawineya pou toa kekemepa pinali one wa toa potokama poko.

  

संदर्भ इंटरलीनियर टिप्पणी शब्दकोष समानांतर बंद करे

₇

|टैगो 3:7| Yoko tue ini kaya mou eya kuya peyapa alime oiake moa kawikamele tokolo padeka-kiti takoa moapa kini agale yakoa tomotoa egetekala tiki.

  

संदर्भ इंटरलीनियर टिप्पणी शब्दकोष समानांतर बंद करे

₈

|टैगो 3:8| Nitikiyake odene agoka pinali one keke wa kawikamele toamoko. Kekemepa eteleka otoleka koiga koiga tokome kayame ali tania tukou toa enile toko.

  

संदर्भ इंटरलीनियर टिप्पणी शब्दकोष समानांतर बंद करे

₉

|टैगो 3:9| Tone kekemepa padepete Ali Muno Atai Akolali kei pia wa padepete panago-pala poanemo oa toko. Akolaliyo one keneya kamotoa latiane ago-pala poanemo eni oko.

  

संदर्भ इंटरलीनियर टिप्पणी शब्दकोष समानांतर बंद करे

₁₀

|टैगो 3:10| Tone kekemepa kei pikomoka poanemoka okala toko. Anu oya-lawe totome edikoa meameamedeko.

  

संदर्भ इंटरलीनियर टिप्पणी शब्दकोष समानांतर बंद करे