आपका शब्द 
पुर्तगाली
इतालवी
स्पैनिश
अंग्रेज़ी
फ्रेंच
अरबी
अकर्मण्य
हिन्दी
जर्मन
Weneya Totono Keraisu Yesunomo 
-
|टैगो 2:1| Anu oya-lawe tone Ali Muno Yesu Keraisu pa̱ teleta tootapeane ago Akolaline peku nakene ago einagonole takama peketepa kamo yeneka ponopene yeneka takoa enameneya midi pikoa makutukoa moamene.
-
|टैगो 2:2| Kiwi oboa mekita-kiti kamo ago ponopene agota nikilipa edeki patu. Yonoke kamo kue wane mekoa mamina epetaneya kawa noko ago makutukakete ekete kamo koni ali i epetaneya waneke noke menamene wa iki patu. Nitiketeke padena ago pilia tadane mamina kawa noko ago-pala ekete kuka pa kaponamene wa-kiti oa anu kawane itonoke pa menamene wa-kiti iki patu.
-
|टैगो 2:3|
-
|टैगो 2:4| Edikakipa nipa einagota midi piane tetepo takamekete poane wene pianeya meapa takoa enoa potokakete tiki.
-
|टैगो 2:5| Anu kolotini yene kipala i ukumo yakamene. Ete-kitame ponopeneya tetepo takoa wakene yenepa Akolaliyo kamo takou toane anukule takatiki peku lawetou wa takoa motoko. Nipa oneke wene mekoa meki-kiti one ta yameou wa wene toopikana toa taatekakome eni ponopene yene one mana kono-mikiti latikako.
-
|टैगो 2:6| Anu oya-lawe kime pade nitameneya ponopene ali atoa paya tetepo takoa wakete kamo yene kei pikala tiki. Kamo yename kipa tete mea koisoke lia aua pokala tikiyake nitiki.
-
|टैगो 2:7| Anu oya-lawe kipa Keraisuno ibini pianeyake e kamo yename one ibini paya tetepo takoa taumada tiki. Enipa nimini ukutu-pe.
-
|टैगो 2:8| Akolaline bokukepa one tobou kakoa oa metane totono dikaneya piko.Pine yene kini wa mama motekete tiki toa yete pade ali atoa mama moma pamene wa akeneya. Eni akene toa yakoa tootapeketepa nipa epetanele eni tekete toi.
-
|टैगो 2:9| Nitameneya kamo yeneka ponopene yeneka midi piane tetepo takameketepa poanele eni tekete toi. Nipa one eni akene agale wene kibutukoa meketepa ae Akolaline totono tetekakene tadeku wa oi.
-
|टैगो 2:10| Panagome-kiti eni totono litia toma pokomeka padele nateleka katekoa toamokolopa Akolaliyopa einagome one totono peya tetekatapeane tetepo takoa meko.
