Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Xela wezria cube nen salmo caʼ 
-
|Mateo 12:1| Ca lu zra na' xu'u Jesús neza zéaje̱' ládujla naga de̱ xel-la' zrua' xtila, ne naca zra dxulupá'ana benne' judío. Dxeledún benne' ca' dxuse̱de Jesús, na' gulezú lawe̱' dxelálaje̱' dau naga zria zrua' xtila, ne dxelawe̱' na.
-
|Mateo 12:2| Gate belelé'e benne' xudau' fariseo ca' da caní, na' gulé̱'e̱ Jesús: ―Guná' xque ca dxelún benne' ca' dxusé̱denu', dxelune̱' zrin da quebe naca chee̱' xelune̱' lu zra dxupá'anadxu.
-
|Mateo 12:3| Jesús guzre̱' benne' ca': ―¿Quebe ne gulábale le'e ca be̱n David gate na' le̱', ne benne' ljwezre̱' ca' guledune̱'?
-
|Mateo 12:4| Guxú'e̱ lu xu'u chee̱ Dios, ne gulawe̱' xeta xtila lá'azxa, da quebe zaj naca chee̱' xelawe̱', le̱', ne benne' ljwezre̱' ca', san tuze bxruze ca' zaj naca chee̱' xelawe̱' na.
-
|Mateo 12:5| ¿Quebe ne gulábale da naxúaj na lu da bdxixruj be'e Moisés ca dxelún bxruze ca' lu xudau', dxelune̱' zrin chee̱ xudau' lu zra dxupá'anadxu, ne quebe zaj nabague̱' zria?
-
|Mateo 12:6| Neda' dxapa' le'e, de̱ tu da naca blaudxa ca xudau' nigá.
-
|Mateo 12:7| ¿Quebe ne chéajni'ile ca zéaje̱ da naxúaj na lu xiche chee̱ Dios? Dxenná na: Neda' dxaca lazra' xexache lázrele le sa' ljwézrele, ne quegá gútele be̱ xíxre'du ca' lu cugu chia'. La ba guxéajni'ile da nigá, quebe ne guzría xile bénneache quebe zaj nabague̱' dul-la.
-
|Mateo 12:8| Chee̱ le̱ na', neda', Benne' Gulje̱' Bénneache, napa' xel-la' dxenná bea dxuna' zrin chia' lu zra dxupá'anadxu. Dxexún Jesús tu benne' zua zri ne̱'e̱
-
|Mateo 12:9| Nadxa Jesús bezé̱'e̱ na', na' guxú'e̱ tu lu xu'u naga dxelúe lá'ane̱' Dios.
-
|Mateo 12:10| Zua tu benne' zua zri ne̱'e̱ ga na'. Benne' judío ca' gulaca lazre̱' xelezrelne̱' ájala xelune̱' chee̱ gaca xelagu zrie̱' chee̱ Jesús. Chee̱ le̱ na' gulenábene̱' Le̱': ―¿Dxunna Dios lataj xexundxu benne' we̱' lu zra dxupá'anadxu?
