Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Xela wezria cube nen salmo caʼ 
-
|Mateo 12:31| ’Chee̱ le̱ na' dxapa' le'e, gunite lau Dios chee̱ bénneache xúgute̱ dul-la zaj nabague̱', ne xúgute̱ da cale̱la da dxelenné̱', san che xelenné̱' schanni' chee̱ Be' Lá'azxa, cabata' gunite lau Dios chee̱'.
-
|Mateo 12:32| Nútete̱ze benne', che bi nnie̱' schanní' chia' neda', Benne' Gulje̱' Bénneache, Dios gunite lawe̱' chee̱', san che tu benne' nnie̱' schanni' chee̱ Be' Lá'azxa, québequeze gunite lau Dios chee̱' lu xe̱zr la xu nigá ne cá'anqueze lu xe̱zr la xu da za za'. Da dxun tu benne' dxule'e na ca naque̱'
-
|Mateo 12:33| Na' gunná Jesús: ―Che naca chawe' tu xaga, dxebía na da zixre chawe', na' che naca tu xaga bize, dxebía na da zixre bize. Ca'an naca, tu xaga naca bea na ne̱ chee̱ da zixre da dxebía na.
-
|Mateo 12:34| Le'e, be̱ snia ca'. ¿Ájazra gunle le'e nne̱le da xrlátaje che le'e nácaquezle benne' we̱n da cale̱la xca'? Ca da dxedxuaj dxú'adxu naca na ca da zua na lu xichaj lázrdaudxu.
-
|Mateo 12:35| Benne' xrlátaje dxenné̱' da naca xrlátaje lawe' da zua da xrlátaje lu xichaj lázrdawe̱', na' benne' we̱n da cale̱la dxenné̱' da cale̱la lawe' da zua da cale̱la lu xichaj lázrdawe̱'.
-
|Mateo 12:36| Neda' dxapa' le'e, lu zra guchi'a Dios, xúgute̱ bénneache xuludée̱' ca da gulenné̱', tu tu dizra' xala da gulenné̱'.
-
|Mateo 12:37| Ca naca dizra' da ba gunníu', Dios guchi'e̱ chiu', na' Le̱' nnáqueze̱' che xedxúaju' xrlátaje, u che webagu' zria. Bénneache we̱n da cale̱la ca' dxelenábene̱' Jesús gune̱' tu xel-la' waca chee̱ xabáa
-
|Mateo 12:38| Nadxa bal-la benne' xudau' fariseo, ne benne' dxuluxuzájle̱'e̱ da nadxixruj bea Dios gulé̱'e̱ Jesús: ―Benne' Wese̱de, dxaca lázrentu' le'entu' chiu' gunu' tu xel-la' waca da za xabáa.
-
|Mateo 12:39| Na' guzre Jesús benne' ca': ―Bénneache we̱n da cale̱la, benne' zaj naque̱' chupa lazre', dxelenábene̱' neda' guna' tu xel-la' waca da za xabáa. Quebe xelelé'equezne̱' tu xel-la' waca, san tuze ca da dxunna bea na ca da guca chee̱ Jonás, benne' bchálaje̱' waláz chee̱ Dios.
-
|Mateo 12:40| Ca guca chee̱ Jonás, guxú'e̱ lu le̱'e̱ bela zren chunna zra chunna xe̱la, cá'anqueze gaca chia' neda', Benne' Gulje̱' Bénneache, waxú'uqueza' lu xe̱dxu ba chunna zra chunna xe̱la.
