Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ixchivinti Dios: ni sastʼi chivinti yu Dios jatʼatamakaul ixlapanakni laka lhimasipijni 
-
|Lucas 17:1| Ex ni Jesús lakjunil ixtꞌaltanan: —Si kaꞌalinaꞌ yu maqtaqalhinin pero paynicha yu jamalaniy lapanakni para katamakal yu jantu lajꞌoxi.
-
|Lucas 17:2| Apalay ox kaval kapixtuchꞌimukꞌakal xachiyux pachꞌikni y kamajꞌankalcha lakamar. Apalay lhitaꞌay kunaꞌ incha kamamaqtaqalhinil qayntaun lakatꞌuniy tacha yu aniy jasꞌatꞌa.
-
|Lucas 17:3| La ox kꞌalhistꞌajkꞌantꞌik. Incha milaqaj makaniyan yu jantu ox, ex kꞌaxaꞌalatꞌi. Incha mapaxay ixjatapastakꞌati, ex kꞌamalaqmixinin.
-
|Lucas 17:4| Incha makaniyan yu jantu ox mas va aqtujun laka julchan y aqtujun mapaxachoqoy ixjatapastakꞌati ex kꞌamalaqmixinin. Lay la lhuu makakan tejkan lhakapuꞌankan ni Dios
-
|Lucas 17:5| Ex yu ixtamalaqachan ni Jesús va tajunil: —Kilaꞌaqtayjuu para apalay ox kaval kilhakapuꞌatkꞌan.
-
|Lucas 17:6| Ex chuncha ni Jesús va lakjunil: —Mas va tsꞌuniy milhakapuꞌatikꞌan tacha yu lakatꞌuniy xataltsꞌi mostasa, ex lay unatꞌik ni aniy kꞌiu katakuklhi, kachꞌankal ixꞌaman lakamar y va chuncha kunaꞌ yu unatꞌik. Jantu ay kꞌamakꞌakꞌa por tꞌapꞌatsꞌanin Dios
-
|Lucas 17:7| Xataꞌayuꞌ uxiknankꞌan va kaꞌalil miꞌoqxtamatikꞌan va kaloqnul u va kalhistaklhi mimborregoskꞌan. Ex tejkan kaminchoqol laqa chaqaꞌ jantu kꞌaꞌun: “Kasoꞌo, katꞌaulchiycha, kavaynchiycha.”
-
|Lucas 17:8| Va kꞌaꞌun: “Kꞌalaꞌoxitꞌi kivayti, kꞌamapꞌaxa milaqchꞌiti, kimunincha kivayti, kitꞌin pꞌunaj kakvaynaꞌ, uxintꞌi astan.”
-
|Lucas 17:9| Vachuꞌ jantu paxtoqniyan kꞌaꞌun: “Malaqpuchuncha” tejkan kamakaꞌol ixlhitapatsa yu lhiꞌun.
-
|Lucas 17:10| Vachu va chuncha uxiknankꞌan tejkan kꞌamakꞌaꞌoyapitik tachun yu talhijunan Dios va kꞌaꞌunitꞌik: “Ka jantu ox oqxtamatin kuntau. Vamun ikmakau yu kilalhijuniu.” Ni Jesús palay lakmakachoqol pumakau lapanakni yu talakapuchꞌita
