Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ixchivinti Dios: ni sastʼi chivinti yu Dios jatʼatamakaul ixlapanakni laka lhimasipijni 
-
|Lucas 11:1| Taun julchan ni Jesús va lakataun ixtꞌajun skꞌiniꞌ ni Dios. Tejkan skꞌinꞌol ex qayntaun ixtꞌaltanaꞌ va junil: —Jalhachimoꞌonuꞌ, kilamasuniu tacha skꞌinkan ni Dios vachu chun tacha Juan lakmasunil ixtꞌaltanan.
-
|Lucas 11:2| Ex ni Jesús lakjunil: —Tejkan kaskꞌintꞌik ni Dios kanauntꞌik:KimPay Dioskꞌatꞌi yu alintꞌachiy laktꞌiyan,
katatoꞌoyan ni lapanakni mintaqaꞌuti.Kꞌalhachꞌimoꞌon aniy,[chuncha kamakakal yu lhinaꞌun aniy lakamunukpaꞌ vachu va tacha makakan yu lhinaꞌun laktꞌiyan].
-
|Lucas 11:3| Lhilhiy kilaxtaqniu yu vayti yu kmaqskꞌiniyau.
-
|Lucas 11:4| Kilamalaqmixiniu kintalaqalhinkꞌan
tacha kijnankꞌan klamalaqmixiniyau yu kintamakaniyan yu jantu lajꞌoxi.Jantu kilalhilhaꞌau taꞌan kakmapastaknikau yu talaqalhin, va kilamalaqtaxtuu laqa talaqalhin.
-
|Lucas 11:5| Ex taylhaꞌal ixchivinti, jalakjunil: —Tas kavalcha incha xaqayntaun uxiknankꞌan va kapiti la ixchaqa milaqaj mas pakltaun tsꞌis kaval y kꞌaꞌun: “Laqaj, kimachꞌixtaqnin aqxtꞌutu pan.
-
|Lucas 11:6| Qayntaun kilaqaj va aniykaꞌ xachin. La maqati ixminachal pero kitꞌin jantu klhitsukul yu kakxtaqnil.”
-
|Lucas 11:7| Ex yu milaqaj yu ixpulakna ixchaqaꞌ tanun, kunan: “Jantu kꞌimaꞌanchꞌapꞌu. Va lakchajuy kimatiꞌ y klaktꞌamal kesꞌatꞌan. Jantu lay kaꞌostaulay para kakxtaqnin tuꞌuchun.”
-
|Lucas 11:8| Kitꞌin klajunau mas milaqaj kaval jantu kaꞌostaulaꞌ para kaxtaqnin tuꞌuchun. Pero incha jantu kꞌamakꞌau, ex kaꞌostaulaꞌ, kaxtaqniyan yu uxintꞌi maqskꞌiniy.
-
|Lucas 11:9| ’Laqsaval klajunau, kaskꞌinitꞌik Dios yu maqskꞌiniyatꞌik, yucha kataxtaqniyan. Kꞌalakxkꞌautꞌik ex katꞌemayapitik. Katꞌaylhipꞌi makasanaꞌ laka matiꞌ, ex katalaqltiꞌayaꞌ.
-
|Lucas 11:10| Yu skꞌin tuꞌuchun, va laqaꞌiy. Yu puxkajuy, va temay. Yu makasay laka matiꞌ, ni yucha malaqltiꞌanikan.
