Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Romanos 15:1| Бизге, иманы кучьлю олгъанларгъа, файдамызны къыдырмагъа дегиль, иманы кучьсюз олгъанларгъа ярдым этмеге керек.
-
|Romanos 15:2| Эр биримиз агъа-къардашымызнынъ эйи файдасыны къыдырмагъа ве иманыны къавийлештирмеге керекмиз.
-
|Romanos 15:3| Месих Озюнинъ файдасыны къыдырмай эди. Язылгъаны киби: «Сени яманлагъанларнынъ сёзлери меним башыма тюшти».
-
|Romanos 15:4| Языда язылгъаны бизни огретмек ичюн язылгъан. Шунынъ ичюн сабыр этип ве Мукъаддес Язылардан юрекленип, биз ишанч тапмакъ мумкюнмиз.
-
|Romanos 15:5| Сабыр берген ве юреклендирген Алла сизге, Иса Месих огреткени киби, бири-биринъизнен бир фикирде олмагъа ёл ачсын.
-
|Romanos 15:6| Сонъ Раббимиз Иса Месихнинъ Бабасы олгъан Алланы бир юрекнен ве бир агъызнен шуретлеп олурсынъыз.
-
|Romanos 15:7| Месих сизлерни къабул эткени киби, сизлер де бири-биринъизни къабул этинъиз ве бойле этип, Алланы шуретленъиз.
-
|Romanos 15:8| Динъленъиз: Алланынъ адалетлигини косьтермек ичюн, Месих еудийлернинъ хызметчиси олды ве бабаларымызгъа берильген ваделерни тасдыкълады.
-
|Romanos 15:9| Ондан гъайры, башкъа халкълар да оларгъа берильген эйилик ичюн Алланы шуретлемеге имкян таптылар. Язылгъаны киби:«Шунынъ ичюн чешит тюрлю миллетлернинъ огюнде Санъа шукюрлер этеджегим, Адынъа шан йырларыны йырлайджагъым».
-
|Romanos 15:10| Даа бойле айтылгъан: «Эй, халкълар! Алланынъ халкъынен берабер къуванынъыз!»
