Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Мукъаддес Китап 
-
|Romanos 14:1| Фикирлери акъкъында давалашмайып, иманы кучьсюз олгъан адамны къабул этинъиз.
-
|Romanos 14:2| Кимдир эр шейни ашамагъа мумкюн олгъанына эмин. Иманы кучьсюз адам исе тек себзе ашай.
-
|Romanos 14:3| Эр шейни ашагъан адам ашамагъанны ашаламасын. Эр шейни ашамагъан адам да ашагъанны къабаатламасын. Алла оны къабул этти де.
-
|Romanos 14:4| Онынъ ичюн сен ким олгъансынъ да, башкъасынынъ къулуны къабаатлайсынъ? О, озь Раббисининъ алдында я тура, я йыкъыла. Йыкъылса да, тураджакъ, чюнки Раббининъ оны турсатмагъа кучю бар.
-
|Romanos 14:5| Бирев бир кунни башкъа куньден буюк сая, башкъа адам эписи куньлер акъкъында бир фикирде ола. Эр бир адам озь фикринде къатты турсун.
-
|Romanos 14:6| Бир кунни итибар эткен адам Раббининъ шерефи ичюн итибар этсин. Эр шейни ашагъан адам Рабби ичюн де ашай ве Аллагъа шукюр эте. Эр шейни ашамагъан адам да Рабби ичюн ашамай ве Аллагъа шукюр эте.
-
|Romanos 14:7| Бизден ич кимсе озю ичюн яшамай ве ич кимсе озю ичюн ольмей.
-
|Romanos 14:8| Эгер яшасакъ, Рабби ичюн яшаймыз, эгер ольсек, Рабби ичюн олемиз. Демек, эм яшагъанымызда, эм ольгенимизде, Раббининъки къаламыз.
-
|Romanos 14:9| Месихнинъ эм яшагъаны, эм ольгенининъ макъсады — олюлернинъ ве тирилернинъ Раббиси олмакътыр.
-
|Romanos 14:10| Ойле олса, сен не ичюн къардашынъны суд этесинъ? Я сен? Не ичюн къардашынъны ашалайсынъ? Месихнинъ суд тахты алдында биз эпимиз тураджакъмыз да!
