Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|Lucas 21:1| Hu 'urine katua tevua rori ijí hina ea ka'ene uneunecha ani reji'inijija roe puni swara savu kaji kivi'i hinana.
-
|Lucas 21:2| 'E'eme amuna ka'ene uneunecha pa'amaijaho urupa va'aa no'o (tu toia) eru samana.
-
|Lucas 21:3| 'Ejume Hu ijá 'iama Na nimai ja 'waravu. Amuna uneunecha pa'amaa kajarahara moniaka ea mapoka kajipo roe katua ka'ene savajaho asita ranamana.
-
|Lucas 21:4| Ea pu monia mapoka vajaha jihuni maijaho pu monia rukini jihuni hahi avajara kaivo amuna kajaho uneunecha pa'ajihuna'e huna ka'ene areri navuji samajihuna'e hura eaka mapoka monia rukinijaho asita ranamana 'iamana. Jesura Temiporui Tira'usahuna 'Waramajina
-
|Lucas 21:5| Pu ea 'aho'a Temiporu kaji kame 'ee muna mavarasa'ini 'eka vene 'ee swasa ka'ene ichá'ina'e vejuji hine 'wa'eme Jesura ijá 'iamana
-
|Lucas 21:6| Ike uneunecha ka'ene ja kivukaho vea ijihunijara mai'o ro'eje muna mapokakija tira'usunahe 'arii para'eje muna niho'o kwinu huni ruha panahuna 'iamana. Ahija 'Ee Sisei Hihunijina
-
|Lucas 21:7| 'Ejume pu Hu apoma ijá 'wava Najuhi'ine ikaho vea vecha re'ena? 'Ee vea kakara pa'are'iro ve'amani urijaho marako'a aacha iraki reja ka'eja? 'wavara.
-
|Lucas 21:8| 'Ejume Hu ijá 'iama Ja hami ka'avara. 'Ejakame pu ea ja papisimi'avara. Ijihuni maijaho ea mapoka'e Nuni iha 'ahi roe ijá 'iahune Na Kerisona'omo vea niape'i venu 'iava he'avajaho niho'o pa'ararihi'avara.
-
|Lucas 21:9| 'Ejakame ja he'eje kwaa araka mapokija ajira vehune 'ee ijí ajira vehuni pinana kajaho 'urina rohuna. Ija'inijaho re'ena vo urijaho mai'o pava'a 'e'u'enakúne ja niho'o paju'avara 'iamana.
-
|Lucas 21:10| 'Enarena Hu kú'o ijá 'iama Kwaa ara 'ahopo 'urine 'aho'a ninamahune 'ee ara 'ahopo 'urine ara 'aho'a ninamahuna.
