Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|Lucas 10:1| Ijihuni túna'i Natohwijara ea mapoka mapoka (70) iji pijihe ea no'o no'o irechamiume pu urasahe Hura ara 'ee kwaa ka'ene rohunijino va'ajivara.
-
|Lucas 10:2| Hu pu ijá 'iama 'Iruma mapoka marana navu kaivo ea ka'ene ijihi 'eke ahuma usehunijaho niho'o kwinu kwinuna. 'Enajihuna'e ja Natohwa ka'ene 'iruma anesuri jihuni siporua 'ojakame Hura ea 'aho'a irechamie ijí 'iruma kaji 'eka ahuma use'avara.
-
|Lucas 10:3| Heha! Va'ajiha! Na ja irechamiujaho areri sipia 'u'ua 'uanea puni vaji irechamiu ja'ina'e irechamiu.
-
|Lucas 10:4| Ja pausia pa'eke tuja pa'eke mumora hwana pa'eke 'ee ea 'unamutoa pa'ajora'avara.
-
|Lucas 10:5| Ja va'ajime ea 'ahopuni sei va'avajaho maraku'a 'ajorame ijá 'i'avara Matauvi'inijaho seikino ja pu'úmo na'amana.
-
|Lucas 10:6| Ea ka'ene sea kajino hinujaho matauma hijujaho oja mahi'ina'e re'amajaho ara 'u'o matauma hihuna ka'ene 'ajomajaho makave ijino hu hu'úmo na'amana. 'Enakaivo pa'ana'e re'amajaho oni matauvi'inijaho kú'o apene va'amana.
-
|Lucas 10:7| Ijí sea kajino hiji'i 'iruma iraka ka'ene vaji'avajaho i'avara. Ijihuni maijaho ea ka'ene kaukaraa veji'ina puni eha apejura. 'Ene ja paarihe sei pini ajima ariha ajima ariha o'avara kaivo sea nikwinu hi'avara.
-
|Lucas 10:8| Ja ari va'eje ea irahipo 'ajorame 'iruma iraka'e joni una'i irechave ki'avajaho i'avara.
-
|Lucas 10:9| Atakina ka'ene ara kajino hijujija veje maranie 'ee ea kajija ijá 'waraha Godi oni arijaho joni romai roana 'i'avara.
-
|Lucas 10:10| 'Enakaivo ja ara pini va'eje pu ja pa'ajorave ki'avajaho va'e ma'aha riri naminareje ijá 'i'avara.
