Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|1 Timoteo 6:1| Veje pwea ka'ene puni mama'ini jihipuni harura hari hijujija puni hura vena'avara. 'Ejakame núni Godijihuni iha 'ee núra vu'a ka'ene najahujaho areri paninamue 'waru'avara.
-
|1 Timoteo 6:2| Ea irahipo puni mama'inijija nimaa roji'ina'e re'avajaho puni hura vena'avara. Pu núni vwehiji jihuna'e puni kaukara hami hami veje pu ijara ni'aji'amana. Ijihuni maijaho pu nimaa roji'ine 'ee oja mihi'ina. 'Enakúne vu'a kija 'warame naja'amana. Najahi'ina Ira Asina 'Ee Kukua Rukina Nimaa Nimaa Rehunijina
-
|1 Timoteo 6:3| Ea irara Jesu Keriso ka'ene núni Natohwi jihuni vu'a ka'ene núra 'waravu ja'ina'e pana kaivo ani'ina najahe 'ee Godoni ura ija'ina'e panajaha ka'avajaho hu huhusu vwihane kehi kehi onujihuna'e pahena pakavi'ina.
-
|1 Timoteo 6:4| 'Enakaivo huni ura ijija niho'o sisearune 'ee ninakaraarune 'ee aposaraarune 'ee ira ikihi 'eke ninakarame aposaramuna. 'Ene ijipo veju'e ajiname 'ee 'uraarame 'ee ira sisea 'wame 'ee ea 'ahopuna'i vwiha sisea vwihajura.
-
|1 Timoteo 6:5| 'Ene hura hara ea ka'ene vwiha sisesa ijihi pu'úmo vu'a nimaijaho are'i kaivo vwihajujaho Godi ura renujihi ve'avajaho unenu 'aho'a 'ekahuna'e vwihajura.
-
|1 Timoteo 6:6| Godi ura renuja'ina'e hijujara nú eha mamaa múhe nú ijara areri retúhuna.
-
|1 Timoteo 6:7| Ijihuni maijaho nú unenu pina pa'a maisu roara'omo nú unenu pina pa'a vahuna.
-
|1 Timoteo 6:8| 'Ena'omo nú 'iruma 'ee ateha rukina'e re'avajaho niijipo nú teamanu'eje nú hihuna.
-
|1 Timoteo 6:9| 'Ene ea ka'ene kukua rukina rehuna ura renaujija ijipo venau'e sisea ani ani'ina vaji arihe 'ee itunavujara venau'e majikari haha hianame 'ee junahuni 'unama ka'ene pua'e pivahinamie pa'arehuna rejura.
-
|1 Timoteo 6:10| Ijihuni maijaho monia oja mihujaho sisea ani ani'ina puni chinuma. 'Ene ea 'aho'a monia ura renaujihuna'e puni nimairoa are'i kaivo va'e haha hianame temuka piunivura. Ori'ini Ichá'ina'e Hine Vehuniji 'Waramajina
