Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Godoni Vu'a Maiu'ina 
-
|1 Timoteo 3:1| Ikaho vu'a ka'ene nimaijinakúne ei pini sosi vaji ruha ka'ene ea 'ajohauji ura re'amajaho kaukara mamaa ura venu.
-
|1 Timoteo 3:2| Ijí ea ka'ene 'ajoha'ina kajaho ea hu panamahi'ine 'ee napara nikwinune 'ee ori'ini 'ajo'aravi'ine 'ee hami hiji'ine 'ee huni hura veji'ine 'ee ea suja mapoka aherame huni sei roi'ine 'ee areri ea najahunijara re'amana.
-
|1 Timoteo 3:3| Hu ea ka'ene toa sisea oja pamihi'ine 'ee pa'ara'iro ohura apeji'ina kaivo vivinui matauma hihuna ura reji'ine 'ee monia oja mihuri 'unamijaho aremajara re'amana.
-
|1 Timoteo 3:4| Hu ea ka'ene huni kachi'ina hami 'ajohai'ine 'ee hura 'unama aririjino veju'e sesahwaha huni hura vene 'ee huni ira hene veji'inijara re'amana.
-
|1 Timoteo 3:5| 'Enakaivo ea ka'ene huni kachi'ina hami pa'ajohi'inijara re'amajaho hu 'unama ichá'inijino Godoni sosia 'ajo'ena?
-
|1 Timoteo 3:6| Hu ea ka'ene mai'o Godoni ea renajaho pare'amana. Ijihuni maijaho ruha ka'ene ma'ava kajihuna'e kehi kehi onareje 'avena siseijara eha sisea ka'ene apena ja'ina'e ape'enakúne.
-
|1 Timoteo 3:7| Hu ea ka'ene sosia paaru'ika'i samai hijujihi puni una'ijaho huni kara mamaa'e re'ama jihuna'e ea huni vu'a pa'wavakame hu 'avena sisei jihuni kwavaha paaruhuna. Sosi Kaukara Ni'ajihi'ina
-
|1 Timoteo 3:8| Ijí 'unama nikwinu'ina kajino tikoni 'u'o ea puni hura vene 'ee mitara patukaravi'ine 'ee toa sisea oja pamihi'ine 'ee 'unama siseijino monia 'eki'inijija parehuna.
-
|1 Timoteo 3:9| 'Enakaivo pu hema ka'ene nimaiji najahi'ine 'ee vwiha puna arira'e navi'inijipo rehuna.
-
|1 Timoteo 3:10| 'Ene ea ikija marako vena kive areri vehuna'e 'ee panamahi'ina'e ki'avajaho iji'a 'warave tikoni huni kaukara ijaho ve'avara.
