Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Yaubada Yana Walo Yemidi Vauvauna 
-
|Gálatas 5:1| Miya namwanamwa vehabadi Besinana ilivahigita ada paiwo aidiyena, eeta amtowolo wahiyala na havena amtalatalamyo Mosese yana loina paipaina ainai. Besinana yana loina namwanamwana
-
|Gálatas 5:2| Yau Paulo yaguguya alimiyai ta ebe Mosese yana loinao aidiyai amtalam na Yudeyao yadi veꞌiveꞌilala ꞌwapimiu hihapi vehulu mata Besinana yana hagu alimiyai iveginauli awaꞌawawa.
-
|Gálatas 5:3| Wuwuna ebe yaiya alimiyena italam ta ꞌwapina hihapi vehulu, howahowana yo hinage Mosese yana loina maudoidi iꞌawa abiyedi,
-
|Gálatas 5:4| yo ebe yaiya owa nuwanuwam na Mosese yana loinao adi awaꞌabiyena mata awanamwanamwa ulobai, bada Besinana yana veꞌiꞌila alimwai ugabaenaꞌo, ta utom vehuluyaꞌo.
-
|Gálatas 5:5| Na ita Yaubada tayemidiyei mata iꞌawa dumwaluwegita. Teina yada nuwaꞌavivini Aluꞌaluwa Veꞌahihi ainaena, na vehabana tahaꞌwahaꞌwa.
-
|Gálatas 5:6| Moiha taꞌi, Yeisu Besinana ainai Yudeyao adi veꞌiveꞌilala, neta hapi, nigele iyaꞌabiye dumwalugita, yo hinage ebe hapi tataꞌwataꞌwataei neta nigele ginauli mwalaꞌina. Na hesi ebeha Yeisu tayemidi ainai na tavelawei, ibom ada tauꞌabiye dumwalu.
-
|Gálatas 5:7| Omiu mugai amsagena wahiyala yemidi ana amwaha moihana ainaena, na yaiya imwau auhigomiune?
-
|Gálatas 5:8| Laugagayo teina nigele Yaubada ainaena, wuwuna mugai Yaubada iyogaegomiu ibom yana amwaha ainai, na hesi laugagayo teina vali tomowa aidiyena.
-
|Gálatas 5:9| Teina dova ehebo ginauli iuꞌiuna na yababana, tahowahowana yo maudoimiu iꞌabiye yababagomiu.
-
|Gálatas 5:10| Yau yada Bada yayemidiyei ebeha howahowana iꞌabiye nuwamaselegomiu, ta yagu loina aꞌava ammulitaei na ebe yaiya iꞌabiye tapiyagomiu, ana maiha Yaubada ainaena mata ilobai.
