Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Yaubada Yana Walo Yemidi Vauvauna 
-
|Gálatas 2:1| Bolimai 14 hiꞌovi na Banabasi baidagu ahaeuyo Yelusalem na Taito yalauvai ta baidamai ahahaene.
-
|Gálatas 2:2| Na yagu lau wuwuna Yaubada yana veꞌita aliguwai. Eeta yahae Yelusalem, na yalau Yaubada yana bodao adi taumugaiwo aidiyai, ta abom aꞌauꞌaubabada, na yagu yewasa yaguguyaei hiya nigele Yudeya aidiyai. Wuwuna nigele nuwagu yaguguya awaꞌawawa, eeta yadi taumugaiwo yagu guguyane hiꞌawa namwanamwaei.
-
|Gálatas 2:3| Na Taito iꞌwayabuigau ta ahahaene Yelusalem, ibom teya towaho Gilisi, na hesi taumugaiwone nigele hiyaloinaei yo ebe ꞌwapina hihapi vehulu ana veꞌiveꞌilala dova hibom.
-
|Gálatas 2:4| Na tupwadi adi geluwo oyaꞌoyamadi bada alimaiyai hiluwumaꞌo, nuwanuwadi yada miya namwanamwana Yeisu Besinana imomohegitawa hiꞌita, na hibom nigele tauyemidi moiha, nuwanuwadi yo loina vitaina himohegai.
-
|Gálatas 2:5| Na hesi yadi loina maudoina ataꞌwataꞌwataei, ta nigele teya hava ainai ayatalam. Havena yada wasa moihana himwaumwau gwaipile.
-
|Gálatas 2:6| Na hinage tauyewasao tomowa hiyogaedi adi taumugaiwo, na hesi nigele yayamodemode aidiyai nuwana hiya taumugaiwo bo taumulitao wuwuna maudoida Yaubada mehenai tatoyatoyawa, hiya havena teya lauhepoi himwaumwauwi yagu guguyane ainai.
-
|Gálatas 2:7| Na hesi taumugaiwone Yaubada yana veguveguyai hihanapuiyaꞌo ebe yau wasa namwanamwana yaguguguyaei hiya nigele Yudeya aidiyai, na Pita hesi iguguguyaei Yudeya aidiyai.
-
|Gálatas 2:8| Wuwuna Yaubada Pita wahiyala imohenaꞌo yana paihowa Yudeya aidiyai, na yau hinage dova wahiyala imohegau yagu paihowa hiya nigele Yudeya vehabadi.
-
|Gálatas 2:9| Ainaena taumugaiwone, Yemesa, Pita na Yoni, Yaubada yana velau aliguwai hiꞌita lobai, na hitalam Banabasi yo yau alimaiyai, ta nimamaena avelau. Hitau tonugaone tomowa hiꞌawa taumugaiyedi hitalam alimaiyai ta ebe yau yo Banabasi alau hiya nigele Yudeya aidiyai, na hibom hilau Yudeya aidiyai.
-
|Gálatas 2:10| Ta ehebo ginauli vehabana hivenuwamwauwegai, ebeha wewelohedi ahaguidi. Ginauli teina inamwanamwa alili eeta hauga maudoina yaꞌaiꞌaipate wahiyala vehabana. Paulo Pita iwalo debadebai
