Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Yaubada Yana Walo Yemidi Vauvauna 
-
|Filipenses 3:1| Tahiguwao, yada Bada vehabana amyaliyaya. Mwalona nuwatuwu teina yaleleyawaꞌo, na teina hinage nuwanuwagu ebeha yaleleuyoi, yami miya namwanamwa vehabana.
-
|Filipenses 3:2| Amꞌita avivinigomiu tauyababao yadi mumuga dova edewa, hibom hapi ꞌwapidiyai ana tauvai bodadi aidiyena.
-
|Filipenses 3:3| Na hesi ita ada hapi atedai, ta Yaubada ainai tapwagopwagogo Aluꞌaluwana ainaena, eeta Yeisu Besinana ibom tawalowalo vetuvehaeyei, na nigele ginauli baleꞌu ainai tayayemiyemidi, neta ainaena ita hapi moiha bada tavaiyaꞌo.
-
|Filipenses 3:4| Yau baleꞌu mumugana aidiyena yanuwahaehae, wuwuna yau hinage tomowa tupwadi yamwalaꞌi gabaedi.
-
|Filipenses 3:5| Yau taꞌi Isileli towahona moiha, na yagu huhu Beniyamina, ta agu ulutubu Hibulu na ꞌwapiguwai hihapigau yagu tubui ana ahubena 8 ainai, ta taupwaoliwo yadi loinao yamulita iliꞌilimanidi dova Palisi yadi boda.
-
|Filipenses 3:6| Na tapwalolo ainaena yaꞌaiꞌaipate mwalaꞌina Yaubada yana bodao adi abiyemuya vehabana, na loina ainai nigele teya Mosese yana laugagayo yayahoꞌe.
-
|Filipenses 3:7| Na hesi teina mumugaone bada yaꞌawa ginauli awaꞌawawaediꞌo, wuwuna Besinana ibom ainai yatalamwegauꞌo.
-
|Filipenses 3:8| Moiha, yagu Bada Yeisu Besinana ana hanapu iya ginauli mwalaꞌi alilina, na ginauli baleꞌuwai imwalaꞌi gabaedi, eeta mumugawone teina nigele nuwagu, ta Yeisu ibom vehabana ginauli maudoina yamwauvehuludi yo yaꞌawa yababaedi wuwuna nuwanuwagu Besinana taꞌi.
-
|Filipenses 3:9| Yo hinage nuwanuwagu Besinana ainai yamiyamiya nigele ebeha yabom yagu mumuga dumwaluwena bo Mosese yana loinao aidiyena, na hesi yagu yemidi Besinana ainai vehabana. Neta mumuga dumwaluna Yaubada ainaena na imohemohegita yada yemidi Besinana ainai vehabana.
-
|Filipenses 3:10| Nuwanuwagu hinage Besinana yahanapui yo yana towolouyo ana wahiyala yalautowoi, ta ana muyao baidagu aveꞌavaꞌavalaedi, na hinage yana mwalowoi yaveꞌaoꞌaonaei,
