Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Yaubada Yana Walo Yemidi Vauvauna 
-
|Filipenses 1:1| Yau Paulo na Timoti baidagu apaipaihowa Taulivahi Yeisu vehabana, yami leta aleleyawa omiu taumiya Pilipai Yeisu Besinana yana Yaubada yana bodao yo hinage yami taumugaiwo na Besinana yana taupaihowao maudoimiu alimiyai.
-
|Filipenses 1:2| Aꞌawanoi Tamada Yaubada na yada Bada Yeisu Besinana yadi veꞌiꞌila yo yadi nuwadaumwali imiyamiya alimiyai. Paulo yana awanoi taumiya Pilipai vehabadi
-
|Filipenses 1:3| Hauga teina Yaubada ainai yaꞌawa yauwedo, hauganane yanuwatuwuigomiu.
-
|Filipenses 1:4| Na yayaliyaya vehabamiu yagu awanoiwo aidiyai.
-
|Filipenses 1:5| Yo Yaubada ainai yaꞌawa yauwedo ama haguwo alimiyena alobalobaidi, wasa namwanamwana ana walomahalava abavetuwuni ainai ta wau.
-
|Filipenses 1:6| Yo hinage yahanapui ebeha Yaubada yana paihowa namwanamwadi bada alimiyai ivetuwuniyaꞌo ta ibom mata iveꞌovi Yeisu Besinana yana ahubena mwalaꞌina ainai.
-
|Filipenses 1:7| Yagu yaliyaya vehabamiu idumwalu wuwuna omiu nuwagu amvaiyaꞌo, ta omiu baidaguwao Yaubada ihaguhaguigita teina hauga vada paipaiyai yamiyamiya, yo ihaguhaguigita hinage wasa namwanamwana ana loꞌaleha, yo yana abawahiyala aidiyai.
-
|Filipenses 1:8| Yaubada ihanahanapuigau neta Yeisu Besinana yana velauwena nuwanuwagu yavelauweomiu.
-
|Filipenses 1:9| Na yaꞌawa awanoi vehabamiu ta yami velau namwanamwa imwalaꞌi, mayami hanapu yo nuwamasele maudoina.
-
|Filipenses 1:10| Ta ainaena ginauli namwanamwadi amvesinuwaidi, eeta Besinana yana ahubena ainai mata mumugamiu dumwadumwaludi yo masemaseledi,
