Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ени Бааланты гагауз дилиндӓ (NT) 
-
Карылар Иисуслан
-
|Lucas 8:1| Бундан сора Иисус гезӓрди касабадан касабайа хем кӱӱдӓн кӱӱйӓ да насаат едӓрди хем хаберлӓрди Ии Хабери Аллахын Падишахлыы ичин оники ӱӱрениӂисиннӓн барабар.
-
|Lucas 8:2| Онуннан варды биркач кары да, ангыларыны О куртардыйды фена духлардан хем дертлериндӓн: Марийа Магдалина, ангысындан чыкарды еди фена дух;
-
|Lucas 8:3| Иоана, Хузанын карысы, ани Иродун евини кулланарды; Сусанна хем башкалары. Оннар йардым едӓрдилӓр нейлӓн варды колайлыклары.
-
Екиӂи ичин ӧрнек
-
|Lucas 8:4| Ачан топланды чок инсан, гелмӓ хербир касабадан, Иисус сӧледи бӧлӓ бир ӧрнек:
-
|Lucas 8:5| «Екиӂи чыкты тоом екмӓӓ. Ачан екӓрди, тоомнардан биразы дӱштӱ йол бойуна. Оннар чииненди айакларын алтында хем гӧк кушлары идилӓр оннары.
-
|Lucas 8:6| Башка тоомнар ташлар ӱстӱнӓ дӱштӱлӓр. Ачан филизлендилӓр, тез курудулар, зерӓ йокту нередӓн немник чексиннӓр.
-
|Lucas 8:7| Таа башка тоомнар чалылар ичинӓ дӱштӱлӓр. Чалылар бӱӱдӱлӓр оннарлан барабар да буулттулар филизлери.
-
|Lucas 8:8| Ама калан тоомнар ии топраа дӱштӱлӓр. Оннар бӱӱдӱлӓр да гетирдилӓр ӱз катына берекет». Бу ӧрнӓӓ сӧледиктӓн сора Иисус бӱӱк сеслӓн деди: «Кимин вар кулаа ишитмӓӓ дейни, ко ишитсин!»
-
Ӧрнӓӓн аннамасы
-
|Lucas 8:9| Онун ӱӱрениӂилери сордулар: «Не аннамасы вар бу ӧрнӓӓн?»
-
|Lucas 8:10| О ӂувап етти: «Сизӓ верилди, аннайасыныз Аллахын Падишахлыынын саклылыкларыны, ама каланына сӧленер ӧрнеклӓрлӓн. Ӧлӓ ки, оннар баксын, да гӧрмесин, ишитсин, да аннамасын.
