Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ени Бааланты гагауз дилиндӓ (NT) 
-
Иисус алыштырэр ӱзбашынын изметкерини
-
|Lucas 7:1| Битирдиктӓн сора насаат етмӓӓ инсана, ани сеслӓрди Ону, Иисус гирди Капернаум касабасына.
-
|Lucas 7:2| Бир аскер ӱзбашы, кимин чыраа хастайды ӧлӱм дӧшеендӓ, ангысыны о пек беенӓрди,
-
|Lucas 7:3| ишитти Иисус ичин да йоллады Иисуса иудейлеринаксакалларыны , ки йалварсыннар, гелсин да алыштырсын онун чырааны.
-
|Lucas 7:4| Оннар гелдилӓр Иисуса да пек йалвардылар, дейип: «Дӱшер она йапасын бу иилии,
-
|Lucas 7:5| зерӓ о север бизим инсаны, бизим ичин бирсинагога йапты».
-
|Lucas 7:6| Иисус гитти оннарлан, ама ачан йаклашты йакын онун евинӓ, аскер ӱзбашы йоллады достларыны, десиннӓр: «Сааби, койма зааметини, зерӓ бӓн етмеерим, ки Сӓн гирӓсин беним евимӓ.
-
|Lucas 7:7| Бӓн есапладым, ки бӓн дӓ етмеерим, ки гидейим кендим Сана. Саде де бир лаф, да беним изметкерим алышаӂэк.
-
|Lucas 7:8| Зерӓ бӓн дӓ заабитлик алтындайым, беним дӓ елим алтында вар аскерлӓр. Ачан бирисинӓ деерим: „Гит“, о гидер. Башкасына деерим: „Гел“, о гелер. Чыраама деерим: „Йап бу иши“, о йапэр».
-
|Lucas 7:9| Ачан Иисус ишитти бу лафлары, шашты, дӧндӱ инсана, ани гелӓрди Онун ардына, да деди: «Сӧлеерим сизӓ, ани артык Израил ичиндӓ булмадым бӧлӓ бир бӱӱк инан».
-
|Lucas 7:10| Ачан дӧндӱлӓр геери бу йолланмышлар, булдулар о хаста чыраа саа.
