Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ени Бааланты гагауз дилиндӓ (NT) 
-
|Lucas 19:21| зерӓ корктум сендӓн. Сӓн бир кескин адамсын, алэрсын орадан, нерейи коймадын, хем бичерсин, нередӓ екмедин“.
-
|Lucas 19:22| Озаман чорбаӂы деди: „Йарамаз чырак! Даава кесеӂӓм сана сенин кенди лафларына гӧрӓ. Билӓрдин, ани бӓн кескин бир адамым, алэрым орадан, нерейи коймадым, хем бичерим, нередӓ екмедим.
-
|Lucas 19:23| Нечин озаман коймадын парамы алыш-веришлӓӓ, ки беним дӧнмемдӓ кабледейим геери казанчлан?“
-
|Lucas 19:24| Сора дӧндӱ орада дураннара да деди: „Алын гӱмӱшӱ ондан да верин она, кимдӓ вар он гӱмӱш“.
-
|Lucas 19:25| „Чорбаӂы, — ӂувап етти оннар, — онда шинди вар он гӱмӱш!“
-
|Lucas 19:26| Чорбаӂы деди: „Сизӓ сӧлеерим, кимдӓ вар, она таа верилеӂек, кимдӓ йок, ондан алынаӂэк, нейи дӓ вар.
-
|Lucas 19:27| Ама беним душманнарымы, ким истӓмеди падишахлык едейим оннарын ӱстӱнӓ, гетирин бурайы да ӧлдӱрӱн беним ӧнӱмдӓ!“»
-
Иисус гирер Иерусалимӓ
-
|Lucas 19:28| Буну сӧледиктӓн сора, Иисус йолланды Иерусалимӓ доору гитмӓӓ.
-
|Lucas 19:29| Йаклашты Виффагийа хем Вифанийа кӱӱлеринӓ, ани Зейтин байырынын йанында, йоллады ики ӱӱрениӂисини
-
|Lucas 19:30| да деди оннара: «Гидин ӧндеки кӱӱйӓ. Гирӓркӓн орайы, булаӂэныз баалы бир ешек кодуу, ангысына таа кимсей атлы пинмеди. Чӧзӱн ону да гетирин Бана.
