Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ени Бааланты гагауз дилиндӓ (NT) 
-
Сон насаатлар
-
|Hebreos 13:1| Херзаман кардаш севгилии аранызда олсун.
-
|Hebreos 13:2| Унутмайын мусаафирӂи олмаа, зерӓ кимиси бутакым, хич билмейерӓк, конаклады ангиллери.
-
|Hebreos 13:3| Унутмайын капанӂылары, олун сансын сиз дӓ оннарлан капанда булунэрсыныз. Унутмайын зеет чекеннери, аклынызда тутарак, ани сизин дӓ гӱӱдениз вар.
-
|Hebreos 13:4| Херкезиниз стеонозлуунузу сайгылы тутун, хем йатааныз гӱнахлан лекелӓнмесин. Зерӓ ороспулук хем маскаралык еденнерӓ Аллах даава кесер.
-
|Hebreos 13:5| Олмайын пара севӓн, шӱкӱр олун онуннан, не вар сиздӓ, зерӓ Кенди деди: «Хич бракмайаӂам сени хем хич атылмайаӂам сендӓн».
-
|Hebreos 13:6| Ӧлӓ ки, биз кыйышмаклан деериз: «Сааби беним йардымӂым, коркмээрым, не вар колай йапсын бана инсан?»
-
|Hebreos 13:7| Аклыныза гетирин сизин ӧндерӂилери, ангылары насаат еттилӓр сизӓ Аллахын сӧзӱнӱ. Бакарак оннарын йашамакларын сонуна, оннар гиби инанӂы олун.
-
|Hebreos 13:8| Иисус Христос дӱн, бӱӱн хем дивеӂинӓ хеп Одур.
-
|Hebreos 13:9| Хертӱрлӱ фасыл ӱӱренмеклерин ардына такылмайын, зерӓ иидир ӱреенизи каавилейӓсиниз Аллахын хайырыннан, диил айыры имеклӓрлӓн, ани кимсейӓ файда олмады, ким оннара верилди.
-
|Hebreos 13:10| Бизим вар ӧлӓ бир курбанныымыз, ангысындан изин йок, ки оннар исин, ким измет едер Булушмак Чадырында.
