Tu Palabra

Hebreos

  • Битки курбан
  • 1

    |Hebreos 10:1| Айоз Закон, ангысында вар салт гелӓр ииликлерин гӧлгеси, ама диил хакына ишлерин аслысы, хеп о курбаннарлан, ани йылдан йыла дурмамайӂа гетирилер, йок ниӂӓ таман йапсын оннары, ким Аллаха йаклашэр.
  • 2

    |Hebreos 10:2| Башка тӱрлӱ дургунаӂэйдылар курбаннары гетирмӓӓ, зерӓ оннар, ким измет едер Аллаха, бир керӓ пакландыктан сора дуймаздылар ӱреклериндӓ кендилерини гӱнахкер.
  • 3

    |Hebreos 10:3| Ама бу курбаннар йыл йылдан инсанын аклына гетирер гӱнахларыны.
  • 4

    |Hebreos 10:4| Зерӓ йок насыл буалар хем текелӓр каны гӱнахы йок етсин.
  • 5

    |Hebreos 10:5| Онуштан Христос, гелип бу дӱннейӓ, деди Аллаха: «Сӓн курбан хем баашыш истӓмедин, ама бир гӱӱдӓ Бана хазырладын.
  • 6

    |Hebreos 10:6| Хептӓн йакылан хайваннары хем гӱнах ичин курбаннары Сӓн беенмедин.
  • 7

    |Hebreos 10:7| Озаман дедим: „Тӓ, гелерим, ниӂӓ Закон кийадында йазылы Беним ичин, ей, Аллах, ки Сенин истедиини йапайым!“»
  • 8

    |Hebreos 10:8| Христос баштан деди: «Не курбаннары, не баашышлары, не хептӓн йакылан хайваннары, не гӱнах ичин курбаннары Сӓн истӓмедин хем беенмедин, макар ки буннар Закона гӧрӓ гетирилер».
  • 9

    |Hebreos 10:9| Сора екледи: «Тӓ, гелерим, /ей, Аллах,/ ки Сенин истедиини йапайым». Илкинкисини ортадан калдырыр, ки еринӓ икинӂисини койсун.
  • 10

    |Hebreos 10:10| Аллахын бу истемесинӓ гӧрӓ, биз айозландык бир сыра херзамана, ачан Иисус Христос курбан гетирди Кенди гӱӱдесини.


COOKIES

Usamos cookies para brindarle una mejor experiencia, mejorar el rendimiento, analizar cómo interactúa en nuestro sitio web y personalizar el contenido. Al utilizar este sitio web, acepta el uso de cookies.

Datos Esenciales

Se necesitan datos esenciales para ejecutar el sitio web que está visitando. No puede deshabilitarlos.

Assim Diz o SENHOR a Todos os Povos

 

 

 

© 2026 Tu Palabra