Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Ени Бааланты гагауз дилиндӓ (NT) 
-
|Hebreos 11:11| Инаннан, макар ки карысы Сарра ушаксызды хем йашлары гечмишти, кувет каблетти, ушаа олсун дейни, зерӓ инанды, ани инанчтыр О, Ким буну адады.
-
|Hebreos 11:12| Ӧлӓ ки ӧлмӓӓ йакын бир адамдан дууду бир сенселӓ ӧлӓ чок, ниӂӓ гӧк йылдызлары, ниӂӓ дениз бойунда сайысыз кум.
-
|Hebreos 11:13| Хепси буннар ӧлӱнӂӓ инанӂы калдылар, макар ки еденмедилӓр, не аданды оннара, ама узактан салт сииреттилӓр да севиндилӓр. Ачык каблеттилӓр, ани оннар йолӂу хем конакчы бу ердӓ.
-
|Hebreos 11:14| Зерӓ оннар, ким бӧлӓ лафедер, гӧстерер, ани аарээр кенди ватаныны.
-
|Hebreos 11:15| Хакына, еер ӂаннары аӂыйайды о ерӓ, нередӓн чыктыйдылар, варды колайлыклары геери дӧнсӱннӓр.
-
|Hebreos 11:16| Ама оннар ӧзенӓрдилӓр бир таа ии ерӓ, гӧктеки ерӓ. Онуштан Аллах утанмээр адлансын оннарын Аллахы, зерӓ оннар ичин бир касаба хазырлады.
-
|Hebreos 11:17| Инаннан Авраам, дененмиш олуп, Исаакы курбан гетирди. О, ким каблеттийди адамаклары, гетирӓрди курбан бириӂик оолуну,
-
|Hebreos 11:18| ангысы ичин Аллах деди: «Исаактан дууаӂэк оннар, ким сенин сенселӓн адланаӂэк».
-
|Hebreos 11:19| Чӱнкӱ Авраам есапларды, ки Аллах дирилдӓбилир ӧлӱйӱ дӓ. Онуштан, символик лафедерӓк, ӧлӱмдӓн Исаакы геери алды.
-
|Hebreos 11:20| Инаннан Исаак иисӧзледи Иакову хем Есавы да сӧледи, не олаӂэк оннара гелӓр вакытларда.
