Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Santiago 4:1| Pigoya, nanaraka maka puma kamaenaba tige tikapipa pewe, a. Piya, titipipa tigu iꞌnintana waintegiri, maꞌena yugaba pewe.
-
|Santiago 4:2| Piya, tigeba tonaronaga tibugagiri, kampa maentiripa, wasana iyeguma kaiyewe. Tigeba tika puma kampa maentiripa, kamaena puma maꞌenaba pewe. We, tigeba Kotipa kampa esotamagiripa, kampa maeyawe.
-
|Santiago 4:3| Piya, tigeba nunamu uwa yepa, kampa maeyawe. Tigeba kampa arupu puma tigu iꞌnintanaraka abigamagiri kampa maeyawe.
-
|Santiago 4:4| We, tigeba atokaekenaenabisa atarakena kina mintawe. Piya, wasanamiba mampabisaenaga iyoꞌena peꞌnagiba Kotipa kama potawe. Pikaba kampa napiywea, a. Piya pumagina, wasanama mabisaenaga aoꞌena pukibipa, aeba Kotipa kama potakiye.
-
|Santiago 4:5| We, mono isaꞌama maya iye: Koti tagupipa Awamusa atagina waiyemiꞌna, aeba: Tigeba naeꞌenarawe, uma tarakuꞌma kabirataye, iyegiri, tigeba anagiyenawema napiyewa, a.
-
|Santiago 4:6| We, Kotiba iꞌnintanare nkasugaikena awagaenawapa tamegina, pika mono isaꞌamaba maya iye: Kotiba ipa maete iye kinapa kama puwaitama, ipa maete tume kinapa awagaenawapa imiye, iye.
-
|Santiago 4:7| Piya, tigeba tintaba Koti nkamentapinti atama miyiyo. Tigeba keba aibasanaigina titate aegaka wano.
-
|Santiago 4:8| Piya, tigeba Kotiti atokaeyigina, aegeba tigeti atokaeyano. Agunta kinaꞌmitaba, tiyantana puma iꞌnintanaripa agarubaiyo. Tara tigi napiyenarintaga kinaꞌmitaba, tigupa narentare piyo.
-
|Santiago 4:9| Tigeba pai punta ntanagaba kunta puma iꞌnintanarika maegasima tintara pumagiri kubeꞌena puma kaite aogima miyiyo. Piya, paisa kagiyenarika kubeꞌena puma agarubakasiyo. Paisa tiꞌmuntanarika kuntaena puma agarubakasiyo.
-
|Santiago 4:10| Eya, Waꞌegawama nkaobipa tipa maete tumigina, ae asiritano. Aꞌyugu kamana tiyoꞌmikaba a-nkuwaitaiyo
