Tu Palabra 
Portugués
Italiano
Español
Inglés
Francés
Arábica
Mandarín
Hindi
Alemán
Fore New Testament 
-
|Santiago 3:1| We, naoꞌnempitaba, tigepisa mono tisa kina uwaena aborakenaga a-tibeno. Piya, tigeba ago abintawe. Aintiba Koti aeba tisa kinaꞌmitepa yogaretakaba esegima aꞌyigi tatakiye.
-
|Santiago 3:2| Piya, aꞌyaꞌma kinaꞌmitaba kaꞌisaena antageꞌena pune. Piya, kaꞌwainaba antage kamanaꞌwapa kaꞌanto kampa yipa, aeba aota yagara mima aꞌyaꞌma auꞌwapa ubuꞌatama aogima kabiye.
-
|Santiago 3:3| Piya, taeba osiwama nkawamupipa igaꞌna ubuꞌatama paibokana, auꞌwampaba taete ntapiyenaba wasiye.
-
|Santiago 3:4| Piya, wanipisa karegegaba napiyiyo. Pipa tabena waintegina pontawama pukagina, tabe kayo wani nkakapinti waye. Piya wagina, pubasanami ntagaramaba uwaena asantora pubasanagina aewa nkwaeti aegaꞌma waye.
-
|Santiago 3:5| We, pabiyamagina wasana antebuwama uwaenanto waimagina tabe kigaꞌe uma maro-u mo-u pegina anosaye. Abiyo. Uwaena yakunkantoma anosama tabe kabuba tawaeye.
-
|Santiago 3:6| We, wasana antebu pipa yakune. Piya, tantebuwamaba tonarona ataenaba aborama, aꞌyaꞌma taupintiba iꞌnintana aborawaye. Piya, aꞌabibintisa yakutasa kaema aogima mpikenaenarepa tababiꞌwaye.
-
|Santiago 3:7| Pigoya, wasanamiba igeba tonarona umugababe kabarape kuyape wanipintisa kinape kabima mima kayone puwaitakena puntiniba, kayone puwaitama imentapinti me nkitawe.
-
|Santiago 3:8| Piya, ka yagaramaba antebuwamapa kampa kabima mima mabi atakana, amentapintiba kampa waikiye. Kampaye. We, wasana aeguma kaikena tusaena pumaema waintegina, tantebuwamaba aꞌyaꞌma yaga aogama ata piye.
-
|Santiago 3:9| Piya, tanteburasaba Waꞌega tabarempa nkageba uma asagayumagi, aꞌwae puma wasanaba pumirere puwaitaune. We, wasanaba Koti nkaoga kanta puma aborantiye.
-
|Santiago 3:10| Piya, ka tawamupisa taꞌmu kamanape tamo kamanape irosase. We, naoꞌmitaba, aꞌyugu piyaena pusanagawe.
